“Qobustan” Kəşfiyyat Qazma İdarəsinin 300-ə yaxın işçisi bazar ertəsi səhər Bakı-Qazax yolunu bağlayaraq etiraz aksiyası keçiriblər. Aksiya Bakının 40 km. cənubunda Qobustan qəsəbəsindən keçən sahədə olub.
Neftçilər SOCAR-ın bu müəssisənin bağlanması və işçilərin çıxarılması barədə qərarına etiraz ediblər. Bunu Turan-a “Demokratiyaya yardım” regional QHT-nin rəhbəri Emil Məmmədov bildirib.
Onun sözlərinə görə, aksiya saat 10:00-da başlayıb. Nəticədə avtomobil yolunda böyük tıxac yaranıb. Lakin nə hakimiyyət orqanları, nə də SOCAR nümayəndələrindən heç kim etiraz edənlərin qarşısına çıxmayıb. 45 dəqiqədən sonra polis dəstələrinin etirazçıları dağıtması ilə yol açılıb.
Ötən həftə SOCAR Kompleks Qazma İşləri Trestində struktur islahatlarının aparıldığını bəyan edib. Bu, xərclərin optimallaşdırılması ilə əsaslandırılıb. SOCAR-ın məlumatına görə, “Qobustan” Kəşfiyyat Qazma İdarəsi qazma sexi kimi “Abşeron” Qazma İşləri İdarəsinə verilib.
Trestin özündə və Dövlət Neft Şirkətinin digər struktur bölmələrində İnsan Resursları Departamentinə tapşırılıb ki, struktur islahatları nəticəsində çıxarılan əməkdaşları işlə təmin etsinlər. -06D-
Cəmiyyət
-
Yanvarın 5-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Gündüz bəzi yerlərdə qısamüddətli yağış yağacağı, gecə və səhər zəif duman olacağı ehtimalı var. Cənub-qərb küləyi gündüz arabir güclənən şimal-qərb küləyi ilə əvəz olunacaq. Havanın temperaturu gecə müsbət 3+6, gündüz müsbət 7+9 dərəcə olacaq, Milli Hidrometeorologiya Xidməti bildirib.
-
Turan Informasiya Agentliyi media hüququ üzrə tanınmış ekspert Xalid Ağalıyevə anasının vaxtsız vəfatı ilə əlaqədar ən dərin hüznlə başsağlığını bildirir. Allah ona əbədi rahatlıq versin, ruhu şad olsun.
-
Azərbaycanda 2 yanvar tarixindən qüvvəyə minən kommunal xidmətlərin qiymət artımı müxalifət partiyaları və vətəndaş cəmiyyəti tərəfindən kəskin tənqidə məruz qalmış, dövlət monopoliyalarının idarə olunmasında sistematik problemləri üzə çıxarmışdır. Tarif Şurasının elektrik enerjisi, təbii qaz, su, istilik və hətta dərman vasitələrinin qiymətlərinin artırılması qərarı ictimai narazılıq doğurmuş, müxalifət liderləri hökuməti ölkənin sosial-iqtisadi problemlərini daha da dərinləşdirməkdə günahlandırmışdır.
-
Prezident İlham Əliyev 2025-ci ili "Konstitusiya və Suverenlik İli" elan etdi. Dövlət başçısının imzaladığı sərəncamda bu, 2025-ci ildə ölkə Konstitusiyasının qəbul edilməsinin 30-cu və Vətən (İkinci Qarabağ) müharibəsində qələbənin beşinci ildönümü ilə əsaslandırılır. Bəzi ekspertlər düşünür ki, bu il Konstitusiyaya növbəti dəyişiklikləri də gözləmək olar.
Rəy yaz