Əvəz Zeynallı
Əvəz Zeynallının doğum günü qeyd olunub
Bakı/16.12.22/Turan: İşgəncələr Əleyhinə Araşdırmalar Mərkəzində ictimaiyyət nümayəndələri “Xural” qəzeti və “Xural” Youtube kanalının rəhbəri, həbsdə olan Əvəz Zeynallının doğum gününü qeyd ediblər.
Jurnalistin xanımı Məlahət Zeynallı tədbirdə çıxış edərkən bildirib ki, bu, Zeynallının həbsxanada dördüncü doğum günüdür (Əvəz Zeynallı 2011-14-cü illərdə saxta ittihamlarla həbsdə olub). İctimaiyyət ona qarşı irəli sürülən ittihamların saxta olduğunu yaxşı bilir. Bu gün ona ailəsilə görüş nəzərdə tutulmayıb, baxmayaraq ki, həbsindən 3 ay keçib, hətta onun doğum gününə belə görüş təyin etmirlər. “Mən bunu mənəvi təzyiq kimi qiymətləndirirəm”, - o deyib.
O qeyd edib ki, Əvəz Zeynallı hər zaman azad mətbuatın inkişafı üçün səy göstərib, siyasi və ictimai fəalların müdafiəsinə qalxıb.
Tədbirdə siyasi və ictimai xadimlər, jurnalistlər çıxış ediblər. Onlar qeyd ediblər ki, Əvəz Zeynallının azad edilməsi üçün səylərini davam etdirəcəklər.
* Xatırladaq ki, vəkil Elçin Sadıqov və "Xural TV" saytının təsisçisi Əvəz Zeynallı sentyabrın 10-da rüşvət alma ittihamı ilə saxlanılıblar. Sentyabrın 11-də məhkəmə hər ikisini həbs edib.
Sentyabrın 17-də Bakı Apellyasiya Məhkəməsi Sadıqovu ev dustaqlığına keçirib.
Sonradan Əvəz Zeynallıya qarşı Cinayət Məcəlləsinin 312-1.1 (vəzifəli şəxsin qərarına qanunsuz təsir etmək (nüfuz alveri) maddəsilə yeni ittiham irəli sürülüb. —0--
-
- Cəmiyyət
- 15 Dekabr 2022 14:44
Cəmiyyət
-
Sentyabrın 27-də Azərbaycanda Anım Günü qeyd olunur. Həmin gün 44 günlük İkinci Qarabağ müharibəsi başlayıb. Azərbaycan hökuməti həmin savaşda və ötənilki birgünlük hərbi əməliyyatlar nəticəsində ölkənin ərazi bütövlüyünün təmin edildiyini açıqlayıb.
-
Şənbə günü, sentyabrın 28-də Bakıda və Abşeron yarımadasında hava şəraitinin dəyişkən buludlu olacağı, əsasən yağmursuz keçəcəyi gözlənilir. Şimal-şərq küləyi əsəcək. Havanın temperaturu gecə 15-19° isti, gündüz 22-26° isti olacaq, xəbəri Milli Hidrometeorologiya Xidməti yayıb.
-
Milli Hidrometeorologiya Xidmətinin məlumatına görə, sentyabrın 28-i gündüzədək bəzi rayonlarda qeyri-sabit hava şəraitinin davam edəcəyi, fasilələrlə yağış yağacağı, şimşək çaxacağı gözlənilir. Naxçıvanda, Kiçik və Böyük Qafqaz dağlarında, həmçinin mərkəzi aran zonasında yağıntıların leysan xarakterli intensiv olacağı, dolu düşəcəyi, yüksək dağlıq ərazilərdə qar yağacağı ehtimalı var.
-
Bu gün, sentyabrın 26-da Nyu-Yorkda Azərbaycan və Ermənistan xarici işlər nazirlərinin sülh danışıqları ilə bağlı görüşü gözlənilir. Görüş ABŞ dövlət katibi Antoni Blinkenin iştirakı ilə baş tutmalıdır. Dövlət katibi BMT Baş Assambleyasının illik sessiyası çərçivəsində Nyu-York mehmanxanasında nazirləri bir araya gətirməlidir. Bu, E.Blinkenin onlarla üç ayda ABŞ ərazisində ikinci üçtərəfli görüşü olacaq. Üç diplomat sonuncu dəfə bu il iyulun 10-da Vaşinqtonda keçirilən NATO sammiti zamanı bir araya gəliblər.
Xaricdən gələn təhlükələrə qarşı necə mübarizə aparmalı?- Əhməd Əlili Çətin sualda
Xəbər lenti
-
- Siyasət,
- 10:29
- 848
Rəy yaz