“Xural” qəzetinin həbsdə olan redaktoru Əvəz Zeynallının həyat yoldaşı Məlahət Zeynallının ərinin səhhətinin pisləşdiyi haqqında bəyanatından sonra Ədliyyə Nazirliyinin Baş Tibb İdarəsi məsələni nəzarəti altına götürüb.
10 saylı cəzaçəkmə müəssisəsinin tibbi hissəsində Ə.Zeynallı müayinə olunduqdan sonra onun Ədliyyə Nazirliyinin Müalicə Müəssisəsinə köçürülməsi məqsədəuyğun hesab edilib, lakin o, bundan imtina edib, deyə redaktorun həyat yoldaşı bildirib.
Ə.Zeynallını Ədliyyə Nazirliyinin Mərkəzi Müalicə Müəssisəsini otolarinqoloqu Rafiq Kazımov da müayinə edib. Dərman qəbul etməsinin zəruri olduğunu qeyd edən həkim müvafiq rəy hazırlayacağını bildirib.
Ümumi nəticə belədir ki, Ə.Zeynallının burun çəpərindən əməliyyata ehtiyacı var.
Həyat yoldaşı hesab edir ki, belə bir əməliyyat yalnız xarici ölkələrdən birində keçirilə bilər, lakin Zeynallı həbsdə olduğu üçün bu, mümkün deyil.
* Əvəz Zeynallı 2011-ci il oktyabrın 28-də keçmiş deputat Gülər Əhmədovanın rüşvət tələb etmək haqqında ərizəsi əsasında həbs edilib və 9 il müddətinə azadlıqdan məhrum edilib. Beynəlxalq hüquq müdafiə təşkilatları onu “vicdan məhbusu” kimi tanıyıblar. -0-
Cəmiyyət
-
Azərbaycanın Ekologiya və Təbii Sərvətlər Nazirliyi (ETSN) ölkə üzrə genişmiqyaslı meşə bərpa səyləri barədə məlumat verərək, meşə ərazilərinin genişləndirilməsi məqsədilə on minlərlə ting əkildiyini açıqlayıb. Lakin tənqidçilər nazirliyin eyni zamanda özəl şirkətlərə torpaq icarəyə verməklə meşələrin qırılmasına şərait yaratdığını iddia edirlər.
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
Rəy yaz