Əvəz Zeynallı
Bakı/10.04.23/Turan: Aprelin 10-da Bakı Ağır Cinayətlər Məhkəməsində Xural.tv saytının rəhbəri Əvəz Zeynallının işi üzrə prosesdə ittiham aktı oxunub.
İclasın əvvəlində müdafiə tərəfi Zeynallının səhhəti ilə əlaqədar ev dustaqlığına köçürülməsi haqqında vəsatət qaldırıb. Onun təcili əməliyyat olunması zərurəti haqqında tibbi sənədlər təqdim edilib.
Məhkəmə vəsatəti təmin etməyib, amma Zeynallıya bildirilib ki, ona zəruri tibbi yardımın göstərilməsi üçün Penitensiar Xidmətə məktub göndəriləcək.
Daha sonra prokuror ittiham aktını oxumağa başlayıb, amma Zeynallı etiraz edərək, prokurorun dediklərinin yalan olduğunu bildirib. Zalda olanlar onu dəstəkləyiblər, səs-küy yaranıb və hakim iclası qeyri-müəyyən müddətə təxirə salmaq qərarına gəlib.
"Xural TV" MMC-nin təsisçisi Əvəz Zeynallı və "Səda TV" MMC-nin rəhbəri Elnur Şükürovun işi üzrə hazırlıq iclası martın 27-də keçirilib.
Baş Prokurorluq Zeynallıya qarşı CM-in 178.2.1 (dələduzluq, əvvəlcədən əlbir olan bir qrup şəxs tərəfindən törədildikdə), 311.3.2 (dəfələrlə rüşvət alma), 311.3.3 (külli miqdarda rüşvət alma), 311.3.4 (hədə-qorxu yolu ilə rüşvət alma), 32.4, 312.2 (rüşvət verməyə təhrik etmə) və 312-1.1-ci (vəzifəli şəxsin qərarına qanunsuz təsir göstərmə) maddələri ilə, Şükürova qarşı 178.2.1, 32.4, 312.2, 312-1.1 və digər maddələrlə iş açıb.
Zeynallı və Şükürov 2022-ci ilin sentyabrında həbs olunub. Dekabrın 29-da Zeynallının həbs müddəti 3 ay uzadılıb. 06B
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz