Evlin sökülməsi müvəqqəti olaraq dayandırılıb (YENİLƏNİB)

Mirzə Fətəli küçəsində 45-nömrəli arxitektur evin Bakı  şəhər İcra hakimiyyəti  tərəfindən qanunsuz sökülməsi gecə vaxtı müvəqqəti dayandırılıb.

Evin mülkiyyətçilərindən biri Faiq Əliyev ailəsiilə öz evində barrikada quraraq çıxmaqdan imtina edir. İcra hakimiyyəti tərəfindən evin su, qaz, elektrik enerjisi təcizatı dayandırılıb.

2016 İyun 25 (Şəmbə) 22:28:30

Şənbə günü Yasamal Rayon İcra Hakimiyyətinin rəhbərlik etdiyi işçilər 20-ci əsrin əvvəllərinə məxsus memarlıq binasının (Mirzə Fətəli, 45) tam dağıdılmasına başlayıblar. Bu bina Bakının “Sovetski” adlanan tarixi hissəsində yerləşir.

Mənzilin mülkiyyətçilərindən biri Faiq Əliyev öz evində barrikada quraraq çıxmaqdan imtina edir. O, Turan-a bildirib ki, ekskavator artıq birinci mərtəbənin tavanını dəlib keçib və ailə xarabalıq altında qala bilər.

F.Əliyev ona uyğun kompensasiya və ya qiymətcə bərabər mənzil verməkdən imtina etdiyinə görə hakimiyyəti məhkəməyə verib və iyunun 30-da 2 saylı İnzibati-İqtisad Məhkəməsində məhkəmə iclası olacaq.

Hakimiyyət “Sovetski” adlanan yaşayış massivində müntəzəm olaraq binaları sökür. İctimaiyyətə heç bir plan təqdim olunmur, söküntü, kompensasiya və tikinti ilə bağlı məsələlər şəffaf həll edilmir.

İşlər vətəndaşların hüquqlarının, şəxsi mülkiyyət toxunulmazlığının kobud şəkildə pozulması ilə həyata keçirilir və korrupsiya hərəkətləri ilə müşayiət olunur. -0—