Əzim Geyçisaz 14 səkkizminliyin hamısını fəth edib

Əslən azərbaycanlı olan İran vətəndaşı Əzim Geyçisaz mayın 19-da planetin ən yüksək zirvəsi – Everesti oksigen maskasından istifadə etmədən fəth edib.

34 yaşlı Əzim ikinci dəfədir ki,  Everestə qalxır. Birinci dəfə 2005-ci ildə oksigendən istifadə etməklə zirvəyə qalxıb.

2014-cü ilə qədər o, oksigen olmadan 13 səkkizminliyi uğurla fəth edib.

“Dünyada 8000 metrlik 14 dağ zirvəsi var və onlardan 13-nü fəth etmişəm. Lakin mən Everestə əlavə oksigendən istifadə etməklə qalxdım, yenidən bu zirvəyə əlavə oksigen istifadə etmədən qalxmağa hazıram”, - alpinist İran agentliyinə bildirib.

Geyçisaz Təbrizdə anadan olub və orada yaşayır. İranın alpinizm yığmasının üzvüdür.

Əzim Azərbaycan Alpinizm Federasiyasının böyük dostudur və Bakıdan olan dostları ilə birlikdə birgə ekspedisiyalarda iştirak edir.

Belə ki, iki il öncə İsrafil Aşurlu və Firuz Dadaşovla birlikdə Şişapanqmaya (8013 m.) ekspedisiyada iştirak edib. Lakin ekspedisiya baş tutmayıb. Əzim Azərbaycandan olan xəstə yoldaşının enməsinə kömək etmək üçün zirvədən könüllü imtina edib.

Ə.Geyçisaz türkiyəli alpinistlərlə birlikdə Çoqori ekspedisiyasında iştirak edib.-02В-