Bakı/26.01.23/Turan: Yanvarın 26-da Bakının Yasamal Rayon Məhkəməsinin qərarı ilə “Azadlıq” qəzetinin keçmiş müxbiri Aydın Caniyev 1 ay müddətinə inzibati həbs edilib. Bu barədə xəbər Caniyevin Facebook səhifəsində dərc olunub.
O, “Haqqın.az” internet saytın rəhbəri Eynulla Fətullayevin şikayəti əsasında Baş Prokurorluğun təqdimatı ilə həbs edilib.
Caniyev məhkəmənin qərarına etiraz etməyib və vəkilin xidmətindən imtina edib.
Elektron Məhkəmə portalının məlumatına görə, Caniyev İnzibati Xətalar Məcəlləsinin 388-1. Maddəsi ilə (İnternetdə və ya informasiya şəbəkəsində qadağan olunmuş məlumatların yerləşdirilməsi) həbs edilibb.
https://e-mehkeme.gov.az/Public/Meetings
Fətullayevin özüdə Turan-a Caniyevdən şikayət etdiyini təsdiqləyib.
“Artıq bir neçə aydır ki, facebook səhifəsində ailə üzvlərimə və şəxsən mənə qarşı təhqirlər yazır. Mən onun cəzalandırılması ilə bağlı prokurorluğa müraciət etmişəm”, – Fətullayev bildirib. O, həmçinin təhqiredici yazıların skrinşotlarını təqdim edib.
Xatırladaq ki, Caniyev keçmişdə “Azadlıq” qəzetinin və bir sıra digər nəşrlərin əməkdaşı olub.
2011-ci ilin noyabrında o, xuliqanlıq ittihamı ilə 3 il müddətinə azadlıqdan məhrum edilib. Lakin bir sıra jurnalist təşkilatları hesab edirdilər ki, Caniyevin həbsinin əsl səbəbi onun “Xural” qəzetində din xadimləri haqqında yazdığı tənqidi məqalədir.
2012-ci ilin dekabrında Caniyev əfv edilib. Son illərdə o aktiv sosial şəbəkə istifadəçi olub. -0-
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz