![Faiq Əmirlidə yeni xəstəliklər aşkar edilib](https://turan.az/resized/750/500/resize/media/2017/main/041500000470.jpg)
Faiq Əmirlidə yeni xəstəliklər aşkar edilib
Bakı/15.04.17/Turan: “Azadlıq” qəzetinin maliyyə direktoru Faiq Əmirovun vəkili ötən gün Kürdəxanı təcridxanasında ona baş çəkib.
Vəkil Fəxrəddin Mehdiyev bildirib ki, təcridxana həkimləri F.Əmirovu müayinə ediblər. Mədə xəstəliyilə əlaqədar onda qaraciyər və öd kisəsi problemi aşkarlanıb.
“F.Əmirov təcridxanada müalicə alır. Ancaq bu, fayda vermir. Çünki xüsusi pəhriz lazımdır ki, bu da təcridxanada mümkün deyil”, - vəkil bildirib.
Müdafiə tərəfi həbs qətimkan tədbirinin dəyişdirilməsi barədə vəsatət qaldırıblar, ancaq vəsatətlər təmin edilməyib. Vəkilin sözlərinə görə, ibtidai istintaq başa çatmaq üzrədir.
*F.Əmirov 2016-cı ilin avqustunda həbs edilib. Ona qarşı CM-in 283.1 (dinlərarası ədavətin qızışdırılması) və 168.1 (dini ayinlərin icrası adı altında insan hüquqlarına qəsd) maddələrilə ittiham irəli sürülüb. İstintaq onu 2016-cı ilin iyulunda Türkiyədə baş tutmayan dövlət çevrilişinin təşkilatçısı Fətullah Gülənin “Hizmət” Hərəkatı il əlaqələrdə ittiham edib.
Lakin vətəndaş cəmiyyətinin fəalları hesab edirlər ki, həbsin əsl səbəbi “Azadlıq” qəzetini və AXCP lideri Əli Kərimlini susdurmaqdır.—06B—
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz