“Azadlıq” qəzetinin maliyyə direktoru, həbsdə olan Faiq Əmirovun səhhəti pisləşib. O, mədə xorasından əziyyət çəkir və həbsdən sonra xəstəliyi kəskinləşib. Son iki gündə yemək yeyə bilmir. Bu barədə Turan-a vəkil Fəxrəddin Mehdiyev bildirib.
Vəkil F.Əmirovun xəstəliyi barədə beynəlxalq təşkilatları məlumatlandırmaq və həbs qətimkan tədbirinin dəyişdirilməsi barədə vəsatət qaldırmaq niyyətindədir.
F.Mehdiyevin sözlərinə görə, F.Əmirovun həbsxana xəstəxanasına köçürülməsinin mənası yoxdur, çünki onun xüsusi qidaya ehtiyacı var.
F.Əmirov 2016- ilin avqustunda türkiyəli din xadimi Fətullah Gülənlə əlaqələrdə ittiham olunaraq həbs edilib. Belə ki, Ankara Güləni ötən il iyulun 15-də baş vermiş dövlət çevrilişinə cəhdin təşkilatçısı elan edib.
F.Əmirova qarşı CM-in 168.1 (dini ayinlərin icrası adı altında insan haqlarına qəsd) və 283.2.2 (dini ədavətin qızışdırılması) maddələri ilə ittiham irəli sürülüb.
F.Əmirov və demokratik ictimaiyyət bu ittihamları absurd hesab edir. Həbsin əsl səbəbi “Azadlıq” qəzetinin işini pozmaqdır.—06D--
Cəmiyyət
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
-
Azərbaycanda yaxın günlərdə temperaturun kəskin enməsi və ölkə ərazisində fırtınalı, yağıntılı hava şəraitinin müşahidə olunacağı gözlənilir. Milli Hidrometeorologiya Xidməti bazar ertəsi bildirib ki, bəzi ərazilərdə intensiv yağıntılar, dağlıq və dağətəyi rayonlarda qar yağışı, yolların buz bağlaması və güclü külək proqnozlaşdırılır.
Rəy yaz