Azərbaycan Xalq Cəbhəsi Partiyası sədrinin köməkçisi və “Azadlıq” qəzetinin maliyyə direktoru, hazırda Kürdəxanı təcridxanasında saxlanılan Faiq Əmirlinin səhhətində problemlər yaranıb. Həbsdə olduğu müddətdə onda xroniki mədə xəstəliyi əmələ gəlib. 20 kq. çəki itirib. Bunu F.Əmirovun vəkili Aqil Layıcov bildirib.
Vəkil F.Əmirovun səhhətilə bağlı narahatlığını bildirib, çünki onun həbsdə qalması xəstəliyini ağırlaşdıra bilər.
*F.Əmirov avqustun 20-də saxlanılıb, iki gündən sonra Nəsimi Rayon Məhkəməsi onun barəsində 3 ay müddətinə həbs qətimkan tədbiri seçib.
Baş Prokurorluğun Ağır Cinayətlər üzrə İstintaq İdarəsi onu CM-in 168.1 (dini ayinlərin törədilməsi adı altında vətəndaşların hüquqlarına qəsd) və 283.2.2 (xidməti vəzifəsindən istifadə etməklə milli, irqi və ya dini düşmənçiliyin salınması) ittham edib.
İstintaq F.Əmirovu Fətullah Gülənin Azərbaycandakı “imam”ı adlandırıb.
O, ittihamları rədd edərək onları gülünc və siaysi motivli adlandırıb.
“Sərhədsiz reportyorlar” beynəlxalq təşkilatı F.Əmirovun həbsini pisləyərək onun azad edilməsinə çağırıb.--06D--
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz