Aqil Əli Məhərrəm
Bakı/29.06.21/Turan: Azərbaycan Xalq Cəbhəsi Partiyasının (AXCP) üzvü və “Azadlıq” qəzetinin əməkdaşı Aqil Məhərrəmli Xəzər rayon məhkəməsinin onun vaxtından əvvəl azad edilməsi barədə müraciətinə baxılmasını uzatmasından şikayət edir.
Məhərrəmli artıq vaxtından əvvəl şərti azadlığa buraxılması xahişi ilə məhkəməyə müraciət edib. Amma məhkəmə müraciətə baxmır və cavab vermir. Məhərrəmli hüquq müdafiəçilərini və fəalları bu məsələni ictimailəşdirməyə çağırıb.
Azərbaycan Xalq Cəbhəsi Partiyasının lideri Əli Kərimlinin fikrincə, Aqil Məhərrəmli, eləcə də Saleh Rüstəmli tamamilə ədalətsiz və əsassız olaraq mühakimə edilib. Məhərrəmli 4 il, Rüstəmli isə 7 il 3 ay həbs cəzası alıb.
Məhərrəmli artıq cəzasının dörddə üçünü çəkib, amma onun vaxtından əvvəl şərti azadlığa buraxılmaq hüququna məhəl qoyulmur. Eyni zamanda, hakimiyyət ağır cinayətlər törətmiş şəxsləri vaxtından əvvəl azadlığa buraxır, deyə Kərimli qeyd edib.
Xatırladaq ki, Məhərrəmli 2018-ci ilin mayında “Xalq Cəbhəsi Partiyasının qanunsuz maliyyələşdirilməsi” işi üzrə həbs edilib. O, 4 il həbs cəzası alıb. Mayın sonlarında onun həbsinin 3 ili tamam olub. Qanunvericiliyə əsasən, o, vaxtından əvvəl şərti azadlığa buraxılmaq hüququna malikdir. -06D-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz