Fəalın valideynlərinə təzyiq
Vətəndaş fəalı Bəşir Süleymanlı Yevlax rayonunda yaşayan valideynlərinə təzyiqlər olduğunu bildirib.
Dünən axşam onun atasını Yevlax rayon polis şöbəsinin rəisinin yanına çağırıblar. Ondan oğlunun fəaliyyəti, Yevlaxdakı əlaqələri haqqında məlumat alıblar, mobil telefonunun və avtomobilinin nömrəsini və s. soruşublar.
Süleymanlının sözlərinə görə, polis əvvəllər də onun atasına zəng edib və oğlunun və digər övladlarının fəaliyyəti, harada işlədikləri barədə soruşub.
“Bu qanunsuz tədbirlər bir çox valideynlərin narahatlığına və stresinə səbəb olur. Anam kəskin şəkərli diabet xəstəsidir. Bu təzyiq onun ürək əməliyyatı olunmasına gətirib çıxarıb”, deyə B.Süleymanlı bildirib.
O, atasının polisə çağırılmasını Novruz bayramında Yevlaxa getməsi və orada qohumları və dostları ilə görüşməsi ilə əlaqələndirir.
“Mən sadəcə olaraq valideynlərimin yanına, qohumlarım, dostlarımla görüşməyə getmişdim”, deyə Süleymanlı bildirib. Onda olan məlumata görə, polis onun görüşdüyü şəxslərlə də maraqlanır.
Süleymanlı bu əməlləri təzyiq və qanun pozuntusu kimi qiymətləndirib. Yevlax rayon polisindən şərh almaq mümkün olmayıb.
Xatırladaq ki, Süleymanlı seçkilərin monitorinqini həyata keçirən və müstəqil qiymət verən Seçkilərin Monitorinqi və Demokratiyanın Tədrisi Mərkəzinin (SMDT) icraçı direktorudur. 2014-cü ildə Süleymanlı iqtisadi cinayətlər ittihamı ilə 3,5 il müddətinə azadlıqdan məhrum edilib. Sonradan o, vaxtından əvvəl azad olunub.
Hazırda o, Vətəndaş Hüquqları İnstitutuna rəhbərlik edir. -06B-
-
- Siyasət
- 31 Mart 2017 13:39
Cəmiyyət
-
Bazar günü, oktyabrın 6-da Bakıda və Abşeron yarımadasında hava şəraitinin dəyişkən buludlu, əsasən yağmursuz olacağı gözlənilir, mülayim cənub-şərq küləyi əsəcək.
-
Naxçıvanda 1 saylı tam orta məktəbin müəlliməsi Səriyyə Qənbərova işdən çıxarılıb. Naxçıvan MR Təhsil Nazirliyindən bildirilib ki, o, məktəbdə sinif rəhbəri vəzifəsi və həftəlik 26 saat dərs yükü ilə təmin edilmişdi. "2024-cü ilin sentyabr ayı ərzində əmək intizamını pozaraq işə çıxmayıb, tədris başlandıqdan sonra üzrlü səbəb olmadan cədvəl üzrə dərslərini tədris etməyib. Həmçinin Səriyyə Qənbərova müxtəlif sosial şəbəkələrdə və saytlarda paylaşdığı məlumatlarla, eyni zamanda müəssisədə insident yaratmaqla "Təhsilverənlərin etik davranış Qaydaları"nı kobud surətdə pozub".
-
Son zamanlar bəzi dövlətlər dünyanı nüvə silahı ilə təhdid etməkdədir. 2022-ci ildə Ukraynaya açıq təcavüz edən Rusiya rəsmiləri də son aylar Qərb ölkələrini Ukraynaya verdikləri silahlarından onların ərazilərini vurmağa icazə verəcəkləri təqdirdə açıqca nüvə silahından istifadə edə biləcəkləri ilə hədələyirlər.
-
Oktyabrın 5-də paytaxtda hava dəyişkən olacaq, yağıntı olmayacaq. Şimal-şərq küləyi şimal-qərb küləyinə keçəcək.
Rəy yaz