![Fermer DTXK-yə qarşı](https://turan.az/resized/750/500/resize/media/2012/main/071900005726.jpg)
Saatlı rayonunun Qıraqlı kəndindən olan fermer Nəsrəddin Kərəmov 1996-cı ildə torpaq islahatı nəticəsində 1959-cu ildən ailəsinin istifadəsində olan 3,3 ha torpaq sahəsindən istifadə etmək imkanından məhrum olub. Bu torpaq sahəsi torpaqların özəlləşdirilməsi zamanı müsadirə edilib.
Dövlət və bələdiyyə qurumları problemi həll etməkdən imtina edərək, Kərəmovu digər qurumlara göndərirlər. Yerli bələdiyyə onu dövlət və kolxoz torpaqlarının özəlləşdirilməsini həyata keçirən Dövlət Torpaq və Xəritəçəkmə Komitəsinə (DTXK) göndərir. Oradan onu Nazirlər Kabinetinə, NK-dən yenidən DTXK-yə göndərirlər.
Kərəmov yazılı sorğulara cavab verməyən DTXK-ni məhkəməyə vermək məcburiyyətində qalıb. Məhkəmə informasiya azadlığı haqqında qanuna uyğun olaraq DTXK-nin üzərinə Kərəmovun sorğusuna cavab vermək öhdəliyi qoyub. Nəhayət, iyunun 8-də DTXK Kərəmovun sorğularına cavab vermək yerinə apellyasiya şikayəti verərək, dəfələrlə Kərəmovun məktublarına cavab verdiyini iddia edir.
Kərəmovun başına gələnlər ekspertlərin iyunun əvvəllərində informasiya əldə edilməsi haqqında qanuna edilmiş düzəlişlərin informasiya əldə etmə imkanlarını məhdudlaşdıracağı ilə bağlı narahatlıqlarını doğruldur.
İndi Kərəmov, dövlət qurumlarından informasiya almaqda onsuz da çətinlik yaşayan bir çox digər vətəndaşlar kimi, vəziyyətin pisləşdiyini hiss edir. -0-
-
- Mədəniyyət
- 19 İyul 2012 17:19
-
- Siyasət
- 19 İyul 2012 18:38
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz