Məşhur Polşa rejissoru Kşiştof Zanussi Mədəniyyət və Turizm Nazirliyinin dəvəti ilə Azərbaycanda səfərdə olub və gənc kino xadimləri üçün mühazirələr oxuyub.
13 iyul saat 14.00 radələrində Public.az saytında onun yaradıcılığı və Azərbaycanla əlaqələri haqqında və kinodramaturq Rüstəm İbrahimbəyovun xidmətləri haqqında müsahibəsi dərc olunub.
Lakin 2 saat sonra müsahibə saytdan çıxarılıb, sonradan İbrahimbəyovun adı çəkilən hissə çıxarılaraq yenidən yerləşdirilib.
Elə həmin gün ANN.az saytı onun müsahibəsini çap edib, amma bir saat sonra müsahibə o saytdan da silinib.
Beləliklə, dünya şöhrətli rejissorun fikri Bakıda kimlər üçünsə ya təhlükəli, ya da yersiz görünüb və o, əsl senzuraya məruz qalıb.
Ehtimal etmək olar ki, Zanussini Bakıya dəvət edən ölkə hakimiyyəti onun Mədəniyyət Nazirliyinin xətti ilə gələrək, hakimiyyətin rəqibini müdafiə etməyə cürət edəcəyini gözləmirdi.
Bu günlərdə Turan agentliyi Zanussinin özündən şərh almağa çalışıb, lakin rejissorun qaldığı Landmark otelindən onun otaqda olmadığını bildiriblər. Öz növbəsində, Mədəniyyət Nazirliyində məşhur rejissorun harada mühazirə verdiyini izah edə biləcək birini tapmaq mümkün olmayıb. -02В-
Mədəniyyət
-
Azərbaycanda elektron musiqi səhnəsi son illərdə canlansa da, bu sahədə qadın DJ-lərin sayı hələ də məhduddur. Musiqi sənayesində öz yerini tutmaq istəyən qadınlar təkcə texniki bacarıqları ilə deyil, həm də cəmiyyətin onlara biçdiyi rollarla və gender balanssızlığı ilə mübarizə aparmalı olurlar.
-
Dünyada dayanıqlılıq təşəbbüsləri sürətlə artarkən, Avropa İttifaqının "Yaşıl Gələcək 2025" müsabiqəsi Azərbaycanda gənc innovatorlar üçün ekoloji problemlərə biznes yönümlü həllər təqdim etməyə imkan yaradan bir platformaya çevrilib. Bakıda keçirilən bu müsabiqənin dördüncü buraxılışı Azərbaycanlı gənclərin yaşıl innovasiyalara bağlılığını və yaradıcılığını nümayiş etdirdi, Avropa İttifaqının genişmiqyaslı "Planetimiz naminə" kampaniyasına töhfə verdi.
-
Sənət mübadiləsi və mədəni diplomatiyanın bir bayramı olaraq, Bakıda Ambassador Cultural Club-da “Azərbaycanlı rəssamların gözü ilə Macarıstan” layihəsinin üçüncü mərhələsi çərçivəsində Macarıstanın ənənələrindən və mədəni irsindən ilhamlanan rəsm əsərlərinin sərgisi təqdim edilib. Azərbaycan Respublikasındakı Macarıstan səfirliyi və müstəqil incəsənət platforması «Arts Council Azerbaijan» tərəfindən təşkil olunan bu təşəbbüs iki ölkə arasında sənət və mədəniyyət sahəsində əlaqələrin dərinləşməsinə töhfə verir.
-
Ahmet Güneştekin İstanbul Bələdiyyəsi Feshane Mədəniyyət Mərkəzinin 8 min kvadratmetrlik qapalı salonlarında açılan “İtmiş Əlifba” fərdi sərgisindən bir neçə gün sonra Turan İnformasiya Agentliyinin suallarını cavablandırdı. İstanbulun bələdiyyə sədri Ekrem İmamoğlunun açdığı sərgi 20 iyula qədər açıq olacaq.
Rəy yaz