FHN qaz kəmərinin üçüncü dəfə partlamasının səbəblərini açıqlamayıb (YENİLƏNİB)

Ötən gün saat 20:45-ə yaxın Səngəçal qəsəbəsindəki magistral qaz kəmərində baş vermiş yanğın 4 saat sonra söndürülüb.

Hadisə yerinə FHN Dövlət Yanğından Mühafizə Xidmətinin müvafiq bölmələri cəlb edilib.

İnsident nəticəsində zərərçəkən olmayıb. Əməliyyat 00:58-də başa çatıb, FHN bildirir. Yanğının səbəbləri açıqlanmır.

İndiyədək rəsmi qurumlar həmin qaz kəmərində ötən il dekabrın 27-də və bu il yanvarın 2-də baş vermiş partlayışların səbəblərini açıqlamayıb.—06D--

*   *   *

2017 Yanvar 10 (Çərşənbə axşamı) 22:41:10

 Bakının Səngəçal qəsəbəsində qaz xəttində yanvarın 10-u axşam saatlarında yenidən yanğın baş verdiyi bildirilir. Bu barədə məlumatları Neftçilərin Hüquqlarının Müdafiə Komitəsinin sədri Mirvari Qəhrəmanlı da təsdiq edib. Ancaq rəsmi qurumlar bu məlumatı, hələlik, təsdiqləməyiblər.

Qəzanın Səngəçal qəsəbəsi ərazisindəki 125 atmosferlik qaz kəmərində meydana gəldiyi bildirilir.

Bu haqda da Neftçilərin Hüquqlarını Müdafiə Komitəsinin sədri Mirvari Qəhrəmanlı xəbər verib.

Onun bildirdiyinə görə, hadisə 20.40 radələrində baş verib.

Hadisənin hansı səbəbdən törədiyi bəlli deyil. Qaz kəmərində meydana gələn partlayışla bağlı yanğın, hələ söndürülməyib. Yanğın şüalarını uzaqdan müşahidə etmək mümkündür.

Dövlət Neft Şirkəti, eləcə də digər rəsmi qurumlar hələ ki, hadisə ilə bağlı hər hansı açıqlama verməyiblər.

Bu artıq son 2 həftədə eyni yerdə baş verən üçüncü qəzadır.

Dekabrın 27-də saat 10 radələrində Qaz Emalı Zavodundan Səngəçal Baş Qurğularına gedən, diametri 1000 mm-lik magistral qaz kəmərində partlayış və yanğın baş vermişdi.

 

Yanğın 6 saatdan sonra söndürülmüşdü. Hadisə nəticəsində insan itkisinin olmadığı bildirilirdi. Ancaq yaxınlıqdakı evlərin pəncərələri, dam örtükləri ziyan görmüşdü.

Eyni yerdə ikinci yanğın isə yanvarın 2-də baş vermişdi.—06D--

Rəy yaz

Cəmiyyət

İran Prezidentinin də həlak olduğu helikopter qəzasına görə məsuliyyəti kim daşıyır? – Sədrəddin Soltan Çətin sualda



Bizi sosial şəbəkələrdə izləyin

Xəbər lenti