• contact.az Contact
  • Bakı
  • Overcast25.20 C
  • Şənbə, 27 İyul 2024
    • flag_EN
    • flag_RU

Son yenilənmə

(3 saat əvvəl)
FHN vətəndaşları qəbul edəcək
A- A A+
EN RU
Turan İnformasiya Agentliyi
Turan İnformasiya Agentliyi

FHN vətəndaşları qəbul edəcək

Fövqəladə hallar naziri Kəmaləddin Heydərov iyunun 14-də Salyan rayonunda vətəndaşları qəbul edəcək. Görüş FHN-in Muğan regional mərkəzində keçiriləcək.

 
    Muğan aran bölgəsinin – Şirvan, Sabirabad, Salyan, Neftçala, Hacıqabul, Saatlı, Biləsuvar, İmişli şəhərlərinin sakinləri nazirin qəbuluna düşə bilər. “Demokratiyaya yardım” QHT-nin sədri Emil Məmmədov Turan-a bildirib ki, nazirin qəbuluna yazılan vətəndaşların böyük əksəriyyəti 2010-cu il daşqınından ziyan çəkmiş şəxslərdir.
 
    Bu, əsasən birdəfəlik pul kompensasiyaları almayan, habelə daşqından ziyan çəkmiş evləri hələ də bərpa olunmayan şəxslərdir, deyə hüquq müdafiəçisi bildirib.
 
    Məmmədov özü də Heydərovun qəbulunda şikayətçilərin nümayəndəsi qismində iştirak etmək xahişi ilə FHN-in regional mərkəzinə müraciət edib.
 
    Bir müddət əvvəl 2010-cu il Kür daşqınından ziyan çəkmiş 116 vətəndaşdan ibarət qrup fövqəladə hallar naziri ilə görüş xahişi ilə müraciət edib.
 
    Onların hamısının Şirvan İnzibati-İqtisad məhkəməsində FHN-lə məhkəmə çəkişməsi gedir. Daşqından ziyan çəkmiş məktub müəllifləri qeyd edirlər ki, dəfələrlə Heydərova və FHN-ə, habelə müvafiq dövlət qurumlarına hüquqlarının pozulması ilə bağlı müraciət ediblər. Lakin anlayışla qarşılanmayıblar.
 
    Məktubda qeyd edilir ki, daşqının nəticələrinin aradan qaldırılması üçün böyük vəsait ayrılmasına baxmayaraq, onlara lazımi qədər diqqət yetirilməyib. “Evlərimiz tikilmir, bərpa olunmur, kompensasiyalar ödənilmir”, deyə şikayətçilər yazır.
 
    Xatırladaq ki, 2010-cu ilin yazında Araz və Kür çaylarında daşqın nəticəsində 100 min hektardan çox torpaq sahəsi və 20 mindən çox ev su altında qalıb. Daşqının nəticələrinin aradan qaldırılması üçün 460 mln. manat ayrılıb. İşlərə FHN rəhbərlik edib. Əhaliyə kömək üçün yaradılmış ictimai birlik – “Kür” vətəndaş cəmiyyəti qərargahı yüksək dərəcədə korrupsiya, vəsaitlərin mənimsənilməsi, məmurların sui-istifadəsi faktlarını üzə çıxarıb.
 
Sui-istifadə faktları haqqında bütün yüksək instansiyalara müraciətlərə baxmayaraq, heç bir tədbir görülməyib.
 
    200 ailə FHN-i, “Meliorasiya və su təsərrufatı” ASC-ni, habelə rayon hakimiyyətini məhkəməyə verib. Bu gün 114 şikayətə məhkəmədə baxılır. İki şikayət Avropa İnsan Hüquqları Məhkəməsinə göndərilib. Bütün iddiaçıların hüquqlarını “Kür” qərargahı müdafiə edir.
 
    FHN-in Zaqatala və Balakən rayonlarında 2012-ci ildə baş vermiş zəlzələnin nəticələrinin aradan qaldırılması üzrə işlərində də buna bənzər vəziyyət müşahidə olunur. -0-
 
FHN vətəndaşları qəbul edəcək FHN vətəndaşları qəbul edəcək FHN vətəndaşları qəbul edəcək
FHN vətəndaşları qəbul edəcək FHN vətəndaşları qəbul edəcək FHN vətəndaşları qəbul edəcək

Rəy yaz

Cəmiyyət

Bizi sosial şəbəkələrdə izləyin

Xəbər lenti