Ölkənin müxalif yönlü ictimai-siyasi qurumları cümə axşamı Avropa Şurasının Bakıda səfərdə olan həmməruzəçiləri Pedro Aqramunt, Josef Qrexlə görüşüblər. Bu haqda Turan-a görüşün iştirakçısı Müsavat Partiyasının təmsilçisi Gülağa Aslanlı bildirib.
Onun sözlərinə görə, partiya təmsilçiləri ölkədəki ağır ictimai-siyasi durum, bu durumun belə get-gedə pisləşməyə doğu dəyişməsi haqda məlumat veriblər. Avropa Şurasından umulan gözləntilərin çoxunun həyata keçirilmədiyi həmmərizəçilərin nəzərinə çatdırılıb. Aparılan həbslər və xüsusilə fəal gənclərin gülünc ittihamlarla həbsə alınmalarına diqqət çəkilib. Siyasi partiyaların toplantılarına polis müdaxilələri olması, bu toplantıların keçirilməsinə imkan verilməməsi qeyd edilib. Ölkədə bir neçə aydan sonra prezident seçkiləri keçiriləcəyi, amma demokratik seçki mühitinin olmaması vurğulanıb. Partiya təmsilçiləri Avropa Şurası həmməruzəçilərindən Avropa dəyərlərinə hörmətlə yanaşacaqlarına ümid etdiklərini söyləyiblər.
Öz növbəsində, həmməruzəçilər müxalif qüvvələrin birliyi olan Milli Şuranın yaradılmasını müsbət dəyərləndiriblər. Qurumun seçkilərə vahid namizədlə getmək xəttini bəyəndiklərini ifadə ediblər. Avropa Şurası olaraq Azərbaycanda seçkilərin demokratik prinsiplərə uyğun keçirilməsi üçün əllərindən gələni edəcəkləri vədi veriblər.
Görüşə Müsavat, Xalq Cəbhəsi, Açıq Cəmiyyət, Liberal partiyalarının və “EL” Hərəkatının təmsilçiləri qatılıblar. -05B-
Siyasət
-
Noyabrın 26-da Bakı Apellyasiya Məhkəməsində hüquq müdafiəçisi Anar Məmmədlinin həbsindən verdiyi şikayətinə baxılıb.
-
Noyabrın 26-da Naxçıvan Xüsusi Təyinatlı Qüvvələrinin ehtiyatda olan zabitləri etiraz aksiyası keçiriblər.
-
Noyabrın 26-da Bakı Apellyasiya Məhkəməsində keçmiş diplomat Emin İbrahimovun həbs müddətinin uzadılmasından verilmiş şikayətə baxılıb.
-
Həbsdə olan iqtisadçı alim Fazil Qasımov noyabrın 16-da ailəsi ilə telefon danışığının kəsilməsinə etiraz etdiyinə görə təzyiqə məruz qalıb.
Rəy yaz