�Fikirlər gecəsi�: Tarixi irsi necə qorumaq olar və şəhərlər necə salınmalıdır

Bakı/26.01.17/Turan: Bütün dünyada bir gün - yanvarın 25-də Fransa İnstitutu "Fikirlər gecəsi" ((Nuit des İdées) adlı tədbir keçirib.

"Təxəyyülün hökmranlığı" adlandırılan debatlarda ziyalılar, tədqiqatçılar, sənətkarlar və qərarverici məsul şəxslər şəhər memarlığı mövzusunu müzakirə ediblər.

Bakıda bu tədbir "YARAT" müasir incəsənət mərkəzində Fransa səfirliyinin dəstəyi ilə keçirilib.

Son 10 ildə Bakı böyük investisiyalar və dəyişikliklər yerinə çevrilib, onlar şəhərin memarlıq görünüşünü xeyli dəyişdirib. "Fikirlər gecəsi" tədbirinin iştirakçıları əhalinin artması və şəhərin genişlənməsi nəticəsində yaranmış vəzifələr və perspetivlərlə bağlı öz fikirlərini bildiriblər.

Bu tədbir təcrübə və şəhərin bu günü və sabahı və cəmiyyətin şəhəri həm insanlar, həm də ətraf mühit üçün əlverişli şərait yaradılmış bir məkana çevirmək qabiliyyəti haqqında fikir mübadiləsi aparmağa imkan verir.

Debatlarda memarlar, ekspertlər və sadəcə maraqlanan vətəndaşlar iştirak ediblər. Şəhərin gələcəkdə necə inkişaf etməli olduğu və onun tarixi və mədəni irsini qorumağın yolları haqqında fikirlər səslənib.

Moderator Fransanın Azərbaycandakı səfirliyinin mədəni işlər üzrə müşaviri Yoan Şitterer idi. Tədbirdə Fransanın Azərbaycandakı səfiri Aureliya Buşez iştirak edib.

Çıxış edən fransız memarlar Jan-Pyer Buffi (Memarlıq və şəhərsalma Agentliyinin təsisçisi və direktoru) və Andrea Dö Fransi şəhər, xüsusilə meqapolis salınması sahəsində Fransanın təcrübəsindən və beynəlxaq ənənələrdən danışıblar.

Bakı Mermarlıq Klubunun rəhbəri Elçin Əliyev Bakının tarixi görünüşünün qorunması və bərpası təcrübəsindən danışıb.

Sənətşünas Səbinə Şıxlinskaya və memar Müslüm İmranlı da bu mövzuda çıxış ediblər.

Çıxış edənlərin əsas fikri tarixi ənənələrə ehtiyatlı münasibət, təbii və iqlim xüsusiyyətlərinin nəzərə alınması, şəhərsalma norma və standartlarına riayət olunması, biznes maraqları naminə onların qurban verilməməsi zərurəti ilə bağlı olub. -02D-