Фикрет Гусейнли
Bakı/14.10.17/Turan: Jurnalist Fikrət Hüseynli Azərbaycanda ona qarşı CM-in 318 (sərhədi qanunsuz keçmə) və 178-ci (fırıldaqçılıq) maddələri ilə başlamış cinayət işi ilə əlaqədar saxlanılıb. Jurnalist ittihamları təkzib edir.
Ukraynanın Sərhəd Xidməti Hüseynlini Ukrayna milli polisinə təhvil verib. Onun işinə Kiyevin Borispol məhkəməsi oktyabrın 16-da baxacaq.
"Qanuni yolla məni Azərbaycana təhvil vermək olmaz. Amma belə bir hiss var ki, məni Əfqan Muxtarlı kimi oğurlayıb qanunsuz olaraq Azərbaycana göndərmək istəyirlər", deyə Hüseynli "Azadlıq Radiosu"na bildirib və əlavə edib ki, hava limanında Azərbaycanın Ukraynadakı səfirliyinin bir neçə əməkdaşı var.
O, 2008-ci ildə Azərbaycandan mühacirət edərkən sərhədi qanunsuz keçməkdə ittiham olunur.
İki il əvvəl Hüseynlinin vətəndaşlıq aldığı Niderlandın xarici işlər nazirliyinə onun saxlanması haqqında məlumat verilib.
Jurnalist oktyabrın 14-də Düsseldorfa gedərkən Kiyevin Borispol hava limanında saxlanılıb.
O, bir neçə gün Ukraynanın paytaxtında qalıb.
Azərbaycanın hüquq-mühafizə orqanları hələlik Hüseynlinin saxlanılması ilə bağlı şərh vermirlər.
Ukraynanın Dövlət Sərhəd Xidməti İnterpol tərəfindən axtarışda olan və fırıldaqçılıqda və qeyri-leqal miqrasiyada ittiham olunan 41 yaşlı Niderland vətəndaşının saxlanıldığını təsdiq edib.
Hüseynli Avropada siyasi mühacirlərin fəaliyyətində fəal iştirak edirdi. Son vaxtlar Avropadan yayımlanan Turan TV müxalif peyk telekanalı ilə əməkdaşlıq edirdi.
Fikrət Hüseynli müxalif "Azadlıq" qəzetinin əməkdaşı olarkən 2006-cı ilin martında Bakının Patamdar qəsəbəsində maskalı naməlum şəxslər tərəfindən döyülüb və nəticədə ağır bədən xəsarətləri alıb. 2008-ci ilin əvvəllərində o, Azərbaycandan mühacirət edib. -06D-
* * *
2017 Oktyab 14 (Şəmbə) 21:31:57
Kiyevdə jurnalist Fikrət Hüseynov saxlanılıb
Bakı/14.10.17/Turan: Niderlandda siyasi mühacirətdə olan Azərbaycanlı müxalif jurnalist Fikrət Hüseynli bu gün Kiyevə gəldikdən sonra Borispol hava limanında saxlanılıb.
O, telefonla Azərbaycanın İnterpol-da olan sorğusu əsasında saxlanıldığını bildirməyə müvəffəq olub, deyə azadliq.info məlumat verir. Amma jurnalistlərə qarşı irəli sürülmüş ittihamlar ona məlum deyil.
Maraqlıdır ki, Hüseynli Niderland vətəndaşlığı alıb və xaricdən yayımlanan "Turan TV" müxalif telekanalı ilə əməkdaşlıq edir.
Hüseynli Azərbaycanı 10 il əvvəl, oğurlanıb amansızca döyüldükdən sonra tərk edib. Onu oğurlayanlar tapılmayıb. -06D-
Cəmiyyət
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
-
Ölkənin lider mobil operatoru davamlılıq və innovasiya mövzusuna həsr olunmuş mühüm sessiyada iştirak etdi 13-14 noyabr tarixlərində Bakıda "Azercell Telekom" MMC-nin dəstəyi ilə keçirilən 15-ci Davamlı İnnovasiya Forumu uğurla yekunlaşdı. İqlim dəyişikliklərinə həsr olunmuş qlobal tədbirlərin önəmli bir hissəsi olan bu forum biznes, maliyyə, dövlət qurumları və qeyri-hökumət təşkilatlarından 1000-ə yaxın sahə liderini bir araya gətirməyə müvəffəq oldu. Forum iqlim problemlərinin həlli, davamlı inkişaf təşəbbüsləri və innovativ həllərin müzakirəsi üçün effektiv platforma rolunu oynadı.
Rəy yaz