Keçmiş əmək və sosial müdafiə naziri Fizuli Ələkbərovun oğlu Vüqar Ələkbərov İsmayıllı hadisələri üzrə zərərçəkmiş qismində ifadə vermək üçün məcburi qaydada məhkəməyə gətirilib.
Onun əmisi oğlu – keçmiş İcra Hakimiyyəti başçısı Nizami Ələkbərovun oğlu Elxan Ələkbərovu da məcburi qaydada məhkəməyə gətirəcəklər.
Bu qərar bu gün Şəki Ağır Cinayətlər Məhkəməsində İsmayıllı hadisələri üzrə növbəti iclasda qəbul edilib.
Bir müddət əvvəl Ələkbərovlara iki dəfə məhkəmə bildirişi göndərilib, lakin onlara məhəl qoyulmayıb.
Prokuror onların ibtidai istintaqa verdikləri ifadələrlə kifayətlənməyi təklif edib. Lakin vəkillər etiraz ediblər, belə ki, söhbət maddi ziyandan gedir və zərərçəkmişlər müdafiə tərəfin suallarını cavablandırmalıdırlar.
Bununla belə, hakim rayonun keçmiş icra başçısı Nizami Ələkbərovun məhkəməyə çağırılması haqqında vəsatəti təmin etməkdən imtina edib.
Hakimə həmçinin “Yeni Müsavat” qəzetinin və “Azadlıq” radiosunun yanvarın 24-də Müsavat Partiyasının sədr müavini Tofiq Yaqublunun və ReAl lideri İlqar Məmmədovun İsmayıllıya gəlişi ilə bağlı çəkdiyi videomateriallar təqdim edilib.
Bu materiallar təsdiq edir ki, onlar heç bir hüquqazidd əməl törətməyiblər.
Lakin prokuror bu materialların mənbəyinin məlum olmadığına istinad edərək, onların işə əlavə edilməsinə etiraz edib. Bu zaman vəkillər bildiriblər ki, kadrlar rəsmi KİV-lərə aiddir.
Hakim bildirib ki, zərurət olarsa, videomateriallara baxıla bilər və onlar dəlil kimi qəbul edilə bilər.
Bugünki iclasda həmçinin şahid Asif Ağayev dindirilib. O, ibtidai istintaqa ifadə verməkdən imtina edib və bildirib ki, ona təzyiq göstərilib. Şahid iğtişaş iştirakçıları arasında heç kimi tanımayıb.
* Yanvarın 23-24-də İsmayıllıda əhalinin hakimiyyətin və onların qohumlarının özbaşınalığı və ədəbsizliyi ilə əlaqədar kütləvi iğtişaşlar baş verib. Rayona daxili qoşunlar yeridilib, 18 nəfər kütləvi iğtişaşlar təşkil etmək və hakimiyyət nümayəndələrinə müqavimət göstərmək ittihamı ilə həbs edilib. -06B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz