Formula 1 Avropa Qran Prisi 2016 iyunun 19-da saat 17:00-da başlayacaq

  Baku City Circuit (BCC) Əməliyyat Şirkəti bildirib ki, bu il yay vaxtına keçidin ləğvi barədə Azərbaycan hökumətinin qərarı ilə əlaqədar Formula 1 yarışları bir saat tez, Bakı vaxtı ilə saat 17:00-da başlayacaq. Bu barədə şirkətin məlumatında deyilir.

Yarışların başlama vaxtının dəyişdirilməsi Formula 1  (Formula One Management) rəhbərliyi tərəfindən təsdiqlənub və onunla əlaqələndirilib ki, hökumətin yay vaxtına keçiddən imtina etməsi ilə yarışların saat 18:00-da başlaması və Bakıda qürub çağı (saat 20:14) arasında vaxt aralığı azalıb.

Bununla belə, Avropa Qran Prinin start vaxtının dəyişdirilməsi ölkə auditoriyasına təsir göstərməyəcək. Bu o deməkdir ki, yarışlar Mərkəzi Avropa vaxtı ilə rəsmən saat 15:00-da başlayacaq və həmin vaxt finişə yaxınlaşan Le-Man 24 saat yarışları ilə əlaqədar problemlərdən qaçmağa imkan verəcək.

Turan-ın öncə xəbər verdiyi kimi, martın 17-də Nazirlər Kabineti guya əhalinin səhhətinə qayğı səbəbindən yay vaxtına keçid barədə 1997-ci il 17 mart qərarını ləğv edib. Turan-ın araşdırması göstərib ki, yay vaxtından imtina təklifi Beynəlxalq Avtoidman Federasiyası  (FIA) tərəfindən gəlib. Belə ki, qurum Bakıda keçiriləcək Formula 1 yarışlarının Fransada Le -Man 24 saat yarışlarının finişi ilə üst-üstə düşməsini istəməyib. Bundan ötrü fransızlar adəti üzrə yay vaxtına keçiblər, Azərbaycan isə qış vaxtını saxlayıb.—0--