Fransa XİN-in nümayəndəsi Romen Nadal bildirib ki, ATƏT-in Qarabağ nizamlanması üzrə Minsk Qrupunun həmsədrləri yaxın günlərdə Bakı, Yerevan və Dağlıq Qarabağa səfər edəcəklər, xəbəri RİA-Novosti yayıb.
Mənbənin məlumatına görə, aprelin 9-da həmsədrlər Yerevana gələcəklər.
“Vasitəçilər Ermənistan prezidenti Serj Sarkisyanla görüşəcəklər, həmçinin, xarici işlər naziri Edvard Nalbandyanla görüş keçiriləcək”, deyə Ermənistan XİN-in mətbuat katibi Tiqran Balayan bildirib.
Rəsmi Bakı hələlik bu məlumatı təsdiq etməyib. ATƏT-in saytında da bu barədə məlumat yoxdur.
Öz növbəsində, erməni mənbələri iddia edirlər ki, “Dağlıq Qarabağda ikitərəfli atəşkəs haqqında saziş” hazırlayıblar.
“Hazırda barışıq haqqında sənəd hazırlanır. Sənədin təfsilatı haqqında danışmaq səlahiyyətim yoxdur”, deyə Ermənistan Müdafiə Nazirliyinin mətbuat katibi Artsrun Ovannisyan bildirib.
Göründüyü kimi, Ermənistan tərəfi bu gün elan edilmiş atəşkəsi sənədlə möhkəmləndirmək istəyir. Lakin Yerevanda və Qarabağda unudurlar ki, atəşkəs sazişi 1994-cü ildən mövcuddur və Bakı, çətin ki, yeni saziş bağlamaq və üzərinə əlavə öhdəliklər götürmək istəsin.
Yaxın gələcək bütün bu ümidlərin nə dərəcədə real olduğunu göstərəcək. -02D-
Siyasət
-
COP29-da iştirak üçün Bakıya səfər edən Norveçin Beynəlxalq İnkişaf Naziri Anne Beathe Tvinnereim hazırda polis nəzarətində olan, ev məhbusluğu həyatı yaşayan siyasi məhbus, London İqtisad Məktəbinin və Drezden Texniki Universitetinin professoru Qubad İbadoğlu ilə görüşüb. Norveç höküməti adından görüşə gəldiyini bildirən xanım nazir Qubad İbadoğluya qarşı tətbiq olunan məhdudiyyətlər, onun sağlamlıq durumu və ona qarşı irəli sürülən ittihamları üzrə istintaqın gedişi ilə maraqlanıb.
-
COP29 çərçivəsində Maliyyə, İnvestisiyalar və Ticarət Günü zamanı İqlim Maliyyəsi, İnvestisiyalar və Ticarət üzrə Bakı Təşəbbüsü (BICFIT) təqdim olundu. Bu təşəbbüs, innovativ qlobal əməkdaşlıq vasitəsilə iqlim məqsədlərini dəstəkləmək üçün yeni addım sayılır.
-
Bakıda keçirilən BMT-nin İqlim Dəyişmələri üzrə Çərçivə Sazişinin Tərəflər Konfransının 29-cu Sessiyası (COP29) çərçivəsində noyabrın 16-da “Qarabağ” komandasının təşəbbüsü ilə dünyanın tanınmış futbol klublarının iqlim naminə alyansı təsis edilib. Alyans COP29 Sədrliyi və Birləşmiş Millətlər Təşkilatının İqlim Dəyişmələri üzrə Çərçivə Konvensiyasının (Framework Convention on Climate Change, UN FCCC) dəstəyi, “Qarabağ” və Avropa Klublar Assosiasiyasının (ECA) birgə təşkilatçılığı ilə təsis olunub.
-
Noyabrın 16-da BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) Bakıda keçirildiyi məkanda ekofəallar iqlim dəyişkliyinə qarşı mübarizə üçün sənaye dövlətlərinin pul ödəməsini və meşə ərazilərində yaşayan insanların hüquqlarına hörmət edilməsini tələb edən aksiyalar keçirib.
Rəy yaz