Formula 1 yarışları 10 il Azərbaycanda keçiriləcək
Azərbaycan təşkilatçıları Formula 1 Qran Pri yarışlarının Bakıda keçirilməsi üçün 10 illik müqavilə imzalayıb. Bu barədə BBC məlumat yayıb.
Məlumatda deyilir ki, Formula 1-ə rəhbərlik edən FOM şirkəti ilə Bakı yarışlarını təşkil edən Baku City Circuit arasında müqavilənin imzalanması iki il əvvəl bəyan edilsə də kontraktın detalları indiyədək açıqlanmayıb.
Yarışa sahiblik etmək üçün illik ödənişin nə qədər olacağı "məxfilik şərtinə" görə açıqlanmır, lakin BBC Azərbaycancaya danışan britaniyalı Formula 1 eksperti bunun 2016-cı ildə 34 milyon dollar olaraq hər il təxminən 10 faiz qalxacağını bildirib.
Formula 1 yarışlarının neçəyə başa gəlməsi barədə təxminlər arasında fərq böyük olsa da Bakıdakına bənzər küçə yarışlarını təşkil etmək hər il "80-90 milyon dollara" başa gəlir, - ekspert Christian Sylt BBC Azərbaycanca-ya deyib.
Bundan başqa gənclər və idman naziri Azad Rəhimovun sözlərinə görə, Formula 1 yarışı üçün təkcə yolların hazırlanmasına 12 milyon manat sərf olunacaq. 5 milyon manat isə tədbirlərin, seminarların keçirilməsinə, əməliyyat xərclərinə, əmək haqlarının və digər xərclərin ödənilməsinə yönəlib.
“Əlbəttə, BCC (Baku City Circuit) bilir ki, bu qədər böyük tədbiri təşkil etmək üçün böyük vəsait tələb olunur", - təşkilatçılar BBC Azərbaycan xidmətinin sorğusuna cavab verib. “Lakin biz inanırıq ki, ümumi iqtisadi təsir, milli iqtisadiyyata çox böyük xeyir verəcək - həm qısa, həm də uzun müddətdə, həm bilavasitə həm də dolayı şəkildə".
"Yarışların qiymətini hökumət ödəyəcəkmi?" sualına BCC cavab verməsə də bildirib ki, gəlirlər üçün sponsorların dəstəyinə və biletlərin satışına güvənir.
Daha əvvəl BBC Azərbaycancanın gördüyü rəsmi sənədə əsasən 2016-cı ildə ölkədə beynəlxalq idman yarışlarının keçirilməsi üçün dövlət büdcəsindən 324 milyon manat ayrılması nəzərdə tutulub. Bundan sonra büdcə yenidən nəzərdən keçirilib deyə bu rəqəmin dəyişməsi mümkündür.
BBC-nin məlumatına AXCP sədri Əli Kərimli münasibət bildirib. O, Facebook səhifəsində yazıb ki, bu da hökumətin “antiböhran” tədbiri: Azərbaycan təşkilatçıları "Formula-1" Qran Pri yarışlarının Bakıda keçirilməsi üçün 10 illik müqavilə imzalayıb. BBC bu barədə rəsmi məlumat alıb.
“Millət bunların "Formula-1" israfçılığının bir ilinin dərdini çəkirdi. Təkcə bu ilki büdcədə yarışların keçirilməsi üçün 324 milyon manat ayrılıb. Bunlar isə hələ ardıcıl 10 il bu israfçılığı etmək istəyir. Ekspert Christian Sylt "BBC Azərbaycanca"ya deyib ki, Bakıdakına bənzər küçə yarışlarını təşkil etmək hər il 80-90 milyon dollara başa gəlir. 100 minlərlə iş yerlərinin bağlandığı, 2.5 milyon insanın bankların soyğunçu faizlərinin əlində çabaladığı, qiymətlərin günü-gündən bahalaşdığı, xalqın hər gün aldadıldığı ölkənin vətəndaşları ciddi şəkildə düşünməlidir, bizə belə işbacarmaz, korrupsioner, üstəlik də israfçı hökumət lazımdırmı?”, - AXCP sədri sual edir.-03D-
-
- İqtisadiyyat
- 5 Fevral 2016 12:17
Cəmiyyət
-
Bu gün, sentyabrın 26-da Nyu-Yorkda Azərbaycan və Ermənistan xarici işlər nazirlərinin sülh danışıqları ilə bağlı görüşü gözlənilir. Görüş ABŞ dövlət katibi Antoni Blinkenin iştirakı ilə baş tutmalıdır. Dövlət katibi BMT Baş Assambleyasının illik sessiyası çərçivəsində Nyu-York mehmanxanasında nazirləri bir araya gətirməlidir. Bu, E.Blinkenin onlarla üç ayda ABŞ ərazisində ikinci üçtərəfli görüşü olacaq. Üç diplomat sonuncu dəfə bu il iyulun 10-da Vaşinqtonda keçirilən NATO sammiti zamanı bir araya gəliblər.
-
Sentyabrın 27-də paytaxtda hava dəyişkən olacaq. Gecə bəzi yerlərdə yağış yağa bilər. Şimal-şərq küləyi əsəcək.
-
Azərbaycanla Ermənistan delimitasiya və sərhəd təhlükəsizliyi məsələləri üzrə komissiyaların birgə fəaliyyəti haqqında Əsasnaməni avqust ayında razılaşdırıb. Sentyabrın 24-də isə Ermənistan Konstitusiya Məhkəməsi sənədin onların Konstitusiyasına uyğun olub-olmadığını müzakirə edəcəyini açıqlayıb.
-
Qarabağda təhsil alan tələbələrə “SuperSən 10GB” tarif paketindən 6 ay ərzində pulsuz istifadə etmək imkanı verilir Qarabağda ilk mobil infrastrukturu quraşdıran “Azercell Telekom” MMC bu ərazilərə qayıdan əhalini qabaqcıl kommunikasiya xidmətlərilə təmin etməyə davam edir. Lider mobil operator Qarabağda təhsil alan tələbələrə dəstək olmaq məqsədilə xüsusi kampaniya elan edir.
Rəy yaz