Mərkəzi Bank 2016-cı il yanvarın 1-i üçün bank statistikasını açıqlayıb. Statistikaya görə, həm bank sektorunun aktivləri, həm də depozit və kreditlərin həcmi artıb. Ekspertlər bunu ötən il dekabrın 21-dən manatın növbəti devalvasiya prosesinin təzahürü kimi qiymətləndirirlər.
Dekabrda bank aktivləri 22,2% artaraq yanvarın 1-də 34,9 mlrd. manat təşkil edib. Aktivlər strukturuna verilən kreditlər (21 152 mln. manat) də daxildir ki, bu da bir ay ərzində 16,3% artıb.
Yanvarın 1-i üçün əhalinin banklarda əmanətləri 9 mlrd. 473,9 mln. manat həcmində dəyərləndirilib ki, bu da dekabrın əvvəlində olduğundan 33,6% çoxdur.
İqtisadçı Samir Əliyev Turan-a bildirib ki, bank sektorunun dollarlaşmasının səviyyəsi olduqca yüksəkdir. Odur ki, iqtisadiyyatın kreditləşməsinin azalmasını və əhalinin əmanətlərini banklardan çıxarmasını nəzərə alaraq, bank göstəricilərinin statistik artımı aldadıcıdır və onun həqiqi durumunu əks etdirmir.08B
İqtisadiyyat
-
Bakı Beynəlxalq Dəniz Ticarət Limanı, Şərqlə Qərbi birləşdirən Orta Dəhlizin mühüm halqası olaraq, 2024-cü ildə 7,6 milyon ton yük qəbul edib ki, bu da əvvəlki illə müqayisədə 3,2% artım deməkdir. Bu artım limanın qlobal ticarətdə artan rolunu və Çin, Türkiyə, Gürcüstan, İran və Rusiya kimi ölkələr üçün tranzit qovşağı kimi əhəmiyyətini vurğulayır.
-
Azərbaycanın Dövlət Neft Şirkəti (SOCAR) Birləşmiş Ərəb Əmirliklərinin (BƏƏ) Abu Dabi Milli Neft Şirkətindən (ADNOC) şelfdə yerləşən SARB və Umm Lulu konsessiyasındakı 3%-lik payı 285 milyon dollara alıb. Bu, iki ölkə arasında enerji əlaqələrinin dərinləşdirilməsi istiqamətində mühüm addım kimi qiymətləndirilir. Müqavilə 2024-cü ilin may ayında bağlanıb və 2025-ci ilin yanvarında yekunlaşıb.
-
Bakı Kiçik və Orta Biznes (KOB) Evi və Miniboss Biznes Məktəbi uşaqlarda sahibkarlıq bacarıqlarının inkişafına yönəlmiş anlaşma memorandumu imzalayıblar. Bu barədə Kiçik və Orta Biznesin İnkişafı Agentliyi (KOBİA) bazar ertəsi məlumat yayıb.
-
2025-ci ildə Azərbaycanın informasiya təhlükəsizliyi və rəqəmsal infrastrukturu təzyiq altında qalır, çünki ekspertlər Milli İnternet Mübadilə Mərkəzinin (İnternet Exchange Point - IXP) olmamasını vurğulayırlar. Multimediya QHT-nin rəhbəri Osman Gündüz İnformasiya və Kommunikasiya Texnologiyaları Agentliyini (İKTA) əsas provayderlər olan Azertelecom, Delta Telecom, AzTelekom və qlobal sənaye liderləri ilə əməkdaşlıq edərək Milli İnternet Mübadilə Mərkəzinin yaradılmasına rəhbərlik etməyə çağırıb.
Rəy yaz