Açiq mənbələrdən foto.
Fövqəladə Hallar Nazirliyi Nərimanov rayonunda binanın tikintisini dayandırıb
Bakı/26.01.22/Turan: Çərşənbə günü Fövqəladə Hallar Nazirliyinin Tikintidə Təhlükəsizliyə Nəzarət Dövlət Agentliyi Bakının Nərimanov rayonunda "qanunsuz" tikinti işlərini dayandırıb.
Nazirliyin məlumatında deyilir ki, müəyyən edilib ki, qanunsuz işlər müvafiq sənədlər olmadan aparılıb. Fakt Qarabağ, Əlağa Vahid, Əlizadə və Şıxəliyev küçələrinin kəsişməsində aşkar eedilib. Qeyd edək ki, "qanunsuz tikinti" İcra Hakimiyyətinin binasından 100 metr aralıda aparılıb. Tikinti rayon icra başçısı Abdin Fərzəliyev vəzifəsindən azad edildikdən bir neçə gün sonra dayandırıllıb.
Bir neçə ay bundan öncə həmin yerdə 1-3 mərtəbəli binalar sökülüb, onların sakinləri köçürülüb. Bütün bu işlər rayon icra başçısının icazəsi olmadan aparıla bilməz. İndi də ancaq tikinti şirkətinin məsuliyyətindən danışılır.
Qeyd edək ki, sözügedən ərazidə mənzil renovasiyası layihələri çərçivəsində kütləvi mənzil tikintisi aparılır. İşlər tikinti normalarının pozulması ilə aparılır. İnşaatçılar havaya yayılan tozun miqdarının normadan çox olmasını, səs-küyü veclərinə almırlar. Binalardakı arakəsmələr normalara uyğun deyil, tikinti-təhlükəsizlik qaydaları pozulur. – 03B06-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz