Açiq mənbələrdən foto.
Bakı/17.06.21/Turan: İyunun 18-dən 19-u səhər saatlarına qədər Azərbaycan ərazisində, xüsusən də Bakıda və Abşeronda güclü külək əsəcək.
Gözlənilən hava şəraiti ilə əlaqədar Fövqəladə Hallar Nazirliyi əhalini ehtiyatlı olmağa və güclü küləklə əlaqədar təhlükələrdən qorunmaq üçün müvafiq təhlükəsizlik qaydalarına ciddi şəkildə riayət etməyə çağırır.
Nazirlik küləkli havada dənizə girməyin təhlükəli olduğunu xatırladır.
Fövqəladə Hallar Nazirliyi təhlükə zamanı 112 nömrəsinə zəng etməyi tövsiyə edir.
Ekologiya Nazirliyinin Milli Hidrometeorologiya Xidmətinin məlumatına görə, iyunun 18-də Bakıda və Abşeron yarımadasında hava əsasən yağmursuz olacaq, güclü şimal-qərb küləyi əsəcək.
Gecə havanın temperaturu 22-25 dərəcə, gündüz 27-30 dərəcə təşkil edəcək.
Ölkənin regionlarında da hava əsasən yağmursuz keçəcək. Lakin bəzi dağlıq rayonlarda tufan olacağı, yağış yağacağı, dolu düşəcəyi gözlənilir. Səhər bəzi yerlərdə duman olacaq, bəzi yerlərdə qərb küləyi güclənəcək.
Havanın temperaturu gecə 20-24, gündüz 34-39 dərəcə, dağlarda gecə 12-17, gündüz 19-24 dərəcə təşkil edəcək. -06D-
Cəmiyyət
-
Mobil operator sənaye təhlükəsizliyi və rifah sahəsində nümunəvi fəaliyyətinə görə təltif edildi “Azercell Telekom” MMC “Sənaye Təhlükəsizliyi Zirvəsi”ndə “İşçi Rifahı 2024” mükafatı ilə təltif edilib. Tədbir Fövqəladə Hallar Nazirliyinin Azərbaycan Dövlət Əməyin Mühafizəsi və Təhlükəsizlik Texnikası Elmi-Tədqiqat İnstitutunun və “Azərbaycan Sənaye Təhlükəsizliyi Assosiasiyası” İctimai Birliyinin birgə təşkilatçılığı ilə baş tutub. Belə ki, münsiflər heyəti lider mobil operatorun SƏTƏM (Sənaye Əməyin Təhlükəsizliyi və Ətraf Mühitin Mühafizəsi) sahəsində fəaliyyətini yüksək qiymətləndirib. Azercell işçi rifahı, sənaye təhlükəsizliyi, ətraf mühit standartlarının təkmilləşdirilməsi və iqlim dəyişikliyi ilə mübarizə istiqamətində həyata keçirdiyi layihələrlə fərqlənib.
-
Yanvarın 7-də Prezident İlham Əliyev dövlət büdcəsindən maliyyələşən bir sıra təşkilatlarda çalışan işçilərin əməkhaqlarının artırılması ilə bağlı sərəncam imzalayıb. Sərəncama əsasən, 2025-ci il yanvarın 1-dən etibarən Azərbaycan Milli Elmlər Akademiyasının Rəyasət Heyəti, Aparatı, Gəncə bölməsinin Aparatı və Heydər Əliyev Mərkəzi də daxil olmaqla, təxminən 20 qurumda rəhbər və digər işçilərin aylıq vəzifə maaşları orta hesabla 15% artırılacaq.
-
Bakının Nəsimi rayonundakı populyar "Şuşa" restoranının sökülməsinə başlanılıb. Restoran Şəhriyar adına parkın (keçmiş Dzerjinski parkı) ərazisində tikilmişdi. Rəhbərlik söküntünün səbəbini açıqlamır. Ancaq yaxınlıqda daim genişlənən ADA Universiteti yerləşir.
-
Bakının Nəsimi rayonundakı populyar "Şuşa" restoranının sökülməsinə başlanılıb. Restoran Şəhriyar adına parkın (keçmiş Dzerjinski parkı) ərazisində tikilmişdi. Rəhbərlik söküntünün səbəbini açıqlamır. Ancaq yaxınlıqda daim genişlənən ADA Universiteti yerləşir.
Rəy yaz