F.Qurbanov: Hüquq-mühafizə orqanlarına müraciət edə bilərik

QHT-lərə Dövlət Dəstəyi Şurası (QHT DDŞ) çərşənbə axşamı “Hilton” otelində 2015-ci ildəki fəaliyyətilə bağlı hesabat konfransı keçirib.

Şura sədri Azay Quliyev qurumun fəaliyyətini “hesabtlılıq və şəffaflıq üstündə” qurduğunu söyləyib. O, hesabatlılığın rüblər və illik fəaliyyət üzrə keçirildiyini söyləyib.

QHT-lərin fəaliyyətinin maliyyələşdirilməsini qurumun əsas fəaliyyət istiqməti sayan A.Quliyev 2015-ci ildə Şuraya 819 layihə tədim edildiyini deyib. Bundan yalnız 520-nin maliyyələşdirildiyini söyləyib. Bu layihələrə 4 milyon manata yaxın vəsait sərf edilib. Onun sözlərinə görə, 340 min manata qənaət edilərək, büdcəyə qaytarılıb. “İndi, iqtisadi durumun ağırlaşdığı bir vaxtda hər bir qurum qənaət rejiminə keçməyi bacarmalıdır”, - deyə A.Quliyev atılan addımın mahiyyətini izah edib.

A.Quliyev müəyyən QHT-lərin tələblərə əməl etmədiyini deyib. O, 194 qurumun müqavilə ödəliklərini pozduğunu və hesabatları Şuraya lazım olan tələb formasında vermədiyini nəzərə çatdırıb.

2016-cı ildəki fəaliyyətə toxunan A.Quliyev müsabiqəyə təqdim edilən layihələrin qəbulunun yanvarın 15-də başa çatdığını söyləyib. Hazırda seleksiya mərhələsi başladığını bildirib. O, daha sonra layihələrin ekspertlərin qiymətləndirməsinə təqdim ediləcəyini söyləyib. “Bu il ilk dəfə ekspertlərin qiymətləndirmələrinin nəticələrini cəmiyyətə təqdim etmək fikrindəyik. Cəmiyyət də bilsin ki, hansı layihə niyə müsabiqədə qalib ola bilir, hansı niyə ola bilmir”, - deyə A.Quliyev qeyd edib.  

Şuranın icra katibi Fərasət Qurbanov Şura xəttilə icra edilən layihələr çərçivəsində 2857 tədbir keçirildiyini qeyd edib. Şura ilə əməkdaşlıq edən 7 xarici quruma Azərbaycanın maraqlarına bağlı layihələrin icrası üçün 500 min manat sərf olunduğunu deyib. F.Qurbanov hesabatlılığa və maliyyə hesabatlılığına ciddi yanaşmayan qurumlara da toxunub. “Əgər hesabtlılığa və xüsusilə maliyyə hesabatlılığına ciddi yanaşmasalar, hüquq-mühafizə orqanlarına müraciət edə bilərik”, deyə F.Qurbanov bu qururmlara xəbərdarlıq edib.

F.Qurbanov perspektiv məsələdə Şuranın elektron xidmət sahəsini təkmilləşdirməyi proritet sahə kimi diqqətdə saxlamasını nəzərə çatdırıb. -05C-