Bakı/03.11.21/Turan: Noyabrın 1-də Hamburqda Şərqi Avropada müstəqil jurnalistika üzrə Almaniya-Norveç mükafatını təqdimetmə mərasimi keçirilib.
Ötən il pandemiya səbəbindən təntənəli mərasim təxirə salındığına görə Hamburq Zeit-Stiftung Fondu və Norveç Stiftelsen Fritt Ord Fondunun mükafatları iki il üçün təqdim edilib.
2021- ci il üçün Free Media Awards laureatları Belarus jurnalistləri və KİV olub: Tut.by reportyoru Katerina Boriseviç, Belarusda ekstremist nəşr kimi tanınan Tut.by özü, Belarus Jurnalistlər Assosiasiyası, "Belsat" telekanalının həbs cəzasına məhkum edilmiş jurnalistləri Katerina Andreyeva və Darya Çultsova, həmçinin “Naşa niva”nın jurnalisti Natalya Lubnevskaya.
"Bu il Free Media Awards qalibləri bizə Belarusdan ən yaxşı və ən cəsarətli reportajları təqdim edib. Bundan əlavə, bəzi mükafat laureatlarının həbsdə olması cəmiyyətin hüquqlarını, azadlıq və demokratiyanı müdafiə edən Belarus vətəndaşlarının üzləşdiyi fəsadları nümayiş etdirir", - Zeit Fondunun İdarə Heyətinin sədri Mixael Herinq deyib.
2020-ci ildə Free Media Awards mükafatına Rusiyanın "Mediazona" və "Proyekt" nəşrləri, Ukraynanın "Sxemı" teleproqramı, həmçinin Azərbaycandan Turan agentliyinin fotojurnalisti Əziz Kərimov və ukraynalı jurnalist Stanislav Aseyev layiq görülüblər.
Michael Gering bildirib ki, mükafatla korrupsiya və hakimiyyət sui-istifadələrini qorxmadan ifşa edən, hakimiyyət tərəfindən qorxudulmanı özünə rəva görməyən cəsarətli jurnalistlər və KİV mükafatla təltif olunur.
2021-ci ildə" Mediazona "və "Proyekt” Rusiya hakimiyyəti tərəfindən "xarici agentlər" kimi tanınıb. –0
Cəmiyyət
-
Yanvarın 11-də Bakıda hava dəyişkən olacaq, yağıntı olmayacaq. Səhər Abşeronun bəzi yerlərində qısamüddətli yağış yağa bilər. Mülayim cənub-qərb küləyi əsəcək.
-
Yeni funksiya sayəsində müştərilər fərdiləşdirilmiş təkliflərdən birbaşa ”Azercell” tətbiqindən faydalana biləcəklər Abunəçilərinə ən yaxşı rəqəmsal təcrübəni təqdim etməyi hədəfləyən lider mobil operator “Azercell” tətbiqinin texnoloji imkanlarını genişləndirməyə davam edir. Abunəçilər üçün xüsusi hazırlanan təkliflərlə artıq birbaşa tətbiqdən tanış olmaq və rahat şəkildə faydalanmaq mümkündür.
-
2017-ci ildə Sumqayıt Şəhər Məhkəməsi Qubadlıdan qaçqın olan Əliyevlər ailəsinin (Əkbər, Sərvinaz, Ramil və daha iki ailə üzvü) 12-ci mikrorayon, ev 7A, mənzil 35 ünvanında qanunsuz tutduğu mənzildən çıxarılması barədə qərar qəbul edib. Məhkəmə əmlakın qanuni sahibinə- Səmayə Əliyevaya qaytarılması barədə qərar qəbul edib.
-
Yanvarın 10-da Bakıda və Abşeron yarımadasında hava tutqun, yağışsız olacaq. Mülayim cənub-şərq küləyi əsəcək. Gecə 5-8, gündüz 9-14 dərəcə isti olacaq.
Rəy yaz