Mütəllim Orucov
Bakı/03.11.21/Turan: Bu gün Bakı Apellyasiya Məhkəməsi Azərbaycan Xalq Cəbhəsi Partiyasının fəalı Mütəllim Orucovun barəsində həbs qətimkan tədbirinin ev dustaqlığı ilə əvəz edilməsilə bağlı apellyasiya şikayətini təmin etməyib.
Mütəllim Orucov bu il iyunun 1-də readmissiya qaydasında Almaniyadan qayıdıb.
10 gün öncə narkotik maddələrin qanunsuz dövriyyəsi ittihamı ilə həbs edilib.
Noyabrın 3-də Apellyasiya Məhkəməsində bildirib ki, saxlanıldıqdan sonra polisdə işgəncələrə məruz qalıb. Bu barədə onun vəkili Nemət Kərimli məlumat verib.
İstintaqın məlumatına görə, Orucovda 8 qram heroin aşkar edilib.
"Lakin o, özünü günahkar saymır və həbsi Almaniyada siyasi fəaliyyətilə əlaqələndirir", - vəkil deyib.
Daxili İşlər Nazirliyindən şərh almaq mümkün olmayıb.
Mütəllim Orucov Cinayət Məcəlləsinin 234.4.3-cü maddəsi (külli miqdarda narkotik vasitənin qanunsuz dövriyyəsi) ilə ittiham olunur. Bu maddə üzrə onu 12 ilədək həbs təhlükəsi gözləyir.06B
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz