![Fuad Ağayev: İlqar Məmmədovun xarici mütəxəssislər tərəfindən müalicə olunmasını istəyirik](https://turan.az/resized/media/2017/main/032400186271-750-500-resize.webp)
Fuad Ağayev: İlqar Məmmədovun xarici mütəxəssislər tərəfindən müalicə olunmasını istəyirik
İlqar Məmmədovun səhhətində kifayət qədər ciddi problemlər var və onu müayinə, müalicə edən həkimlər xaricdədir. Biz Penitensiar Xidmət tərəfindən onun xarici mütəxəssislər tərəfindən müayinə və mülaicə olunması üçün şərait yaradılmasını istəyirik. Bununla bağlı Azərbaycanın beynəlxalq öhdəlikləri var. Bu barədə vəkil Fuad Ağayev Turan-a bildirib.
Onun sözlərinə görə, İlqar Məmmədovun səhhətində problemlər həbsdə olduğu müddətdə həmişə olub.
“Lakin o, bunun ictimailəşdirilməsini istəmirdi”.
Vəkilin firkincə, ən ciddi problem İlqar Məmmədovun bel nahiyəsindədir.
“Martın 22-də onun səhhətindəki problemin daha da ciddiləşməsi ilə bağlı məlumat aldıq. O, çətinliklə telefon şəbəkəsi olan məntəqəyə gəlib həyat yoldaşına zəng edib ki, ağrıları şiddətlənib və çox çətinliklə yeriyir”, deyə vəkil bildirib.
F.Ağayev bayram günləri olduğundan Məmmədova cəzaçəkmə müəssisəsində tibbi yardım göstərilib-göstərilməməsi və ya müalicə müəssisəsinə köçürülüb-köçürülməməsi barədə məlumatsız olduğunu deyib.
REAL Hərəkatının lideri İlqar Məmmədov 2013-cü ilin yanvarında İsmayıllıda baş vermiş kütləvi iğtişaşların təşkilində ittiham olunub. O, 7 il azadlıqdan məhrum edilib.
2015-ci ilin əvvəlində Avropa İnsan Hüquqları Məhkəməsi (AİHM) İ.Məmmədovun şikayətini təmin edərək, onun azadlığa buraxılması barədə qərar qəbul edib.
Avropa Şurası Nazirlər Komitəsi bir neçə dəfə Azərbaycan hökumətini Strasburq məhkəməsinin qərarını yerinə yetirməyə çağırıb.
2015-ci ilin oktyabrında Ali Məhkəmə işi təkrar baxılması üçün Şəki Apellyasiya Məhkəməsinə göndərib. 2016-cı il aprelin 29-da Şəki Apellyasiya Məhkəməsi əvvəlki hökmü qüvvədə saxladığından İ.Məmmədov azadlığa buraxılmayıb. Ali Məhkəmə də bu qərardan verilən kassasiya şikayətini təmin etməyib.
İlqar Məmmədov qanunsuz məhkum edilməsi ilə bağlı 2015-ci ildə Avropa İnsan Hüquqları Məhkəməsinə (ikinci şikayət) şikayət verib. -03B-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz