Xalq Cəbhəsi Partiyasının fəalı Fuad Əhmədlinin işi üzrə ibtidai istintaq yekunlaşıb, bu barədə vəkil Əsabəli Mustafayev bildirib.
Eyni zamanda, martın 10-da Bakıda Apellyasiya Məhkəməsi Əhmədlinin həbs müddətinin uzadılması ilə bağlı şikayətini təmin etməyib. İclasdan sonra elan olunub ki, Əhmədlinin işi "Azadlıq" qəzetinin maliyyə direktoru Faiq Əmirovun işindən ayrılıb.
Fuad Əhmədli 2017-ci il avqustun 18-də saxlanılıb. Həmin vaxt Dövlət Təhlükəsizlik Xidməti və Baş Prokurorluq bildirib ki, "Azerfon" MMC-nin "Call center"ində işləyən Əhmədli abunəçilərin şəxsi məlumatlarını üçüncü şəxslərə ötürürdü. Həmçinin, Əhmədlinin mənzilində axtarış zamanı türk ilahiyyatçı Fəthullah Gülənin və onun "Hizmet" Hərəkatının kitabları və çıxışları olan CD-lər aşkar olunduğu iddia olunurdu.
Maraqlıdır ki, Əhmədlinin işi digər AXCP fəalları Faiq Əmirov və Elçin İsmayılın işləri ilə birləşdirilib, baxmayaraq ki, onlara qarşı tamamilə başqa ittihamlar irəli sürülmüşdü.
Martın 6-da Əhmədli barəsində CM-in 302.1 (əməliyyat-axtarış fəaliyyəti haqqında qanunvericiliyin pozulması) və 308.1-ci (vəzifə səlahiyyətlərindən istifadə) ittihamları elə həmin maddələrin ağır nəticələrə görə məsuliyyət nəzərdə tutan 2-ci bəndləri ilə əvəz olunub.
Əhmədli ittihamları təkzib edib. Əvvəlki ittihamlarla onu 3 il azadlıqdan məhrumetmə cəzası gözləyirdisə, yeni maddələrlə o, 8 ilədək azadlıqdan məhrum edilə bilər. -06B-
Cəmiyyət
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
-
Cümə axşamı paytaxtda hava tutqun olacaq, səhər az yağış yağa bilər. Mülayim cənub-şərq küləyi əsəcək. Havanın temperaturu gecə müsbət 8 +10, gündüz müsbət 12 + 15 dərəcə olacaq. Rütubət gecə və gündüz rütubət 65-75 faiz olacaq.
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
Rəy yaz