Yanvarın 6-da Nəsimi Rayon Məhkəməsi AXCP fəalı Fuad Əhmədlinin və “Azadlıq” qəzetinin maliyyə direktoru Faiq Əmirovun həbs müddətini daha iki ay uzadıb. Bu barədə Turan-a vəkil Əsabəli Mustafayev bildirib.
Onun sözlərinə görə, həbs müddəti prokurorluğun təqdimatı əsasında uzadılıb. Vəkil bunu əsassız adlandırıb.
“Prokurorluq həbs müddətinin uzadılmasını istintaq hərəkətlərinin aparılmasının vacibliyi ilə izah edib. Görünür, həbsdən sonra sübut toplayırlar”, - Ə.Mustafayev qeyd edib. Vəkil deyib ki, onların həbsdə saxlanmasına əsas olacaq real sübutlar yoxdur.
“Fuad Əhmədlinin isitntaqın gedişinə təsir göstərmək və ya gizlənmək imkanları yoxdur. Niyə onu həbsdə saxlayırlar?”, - vəkil deyib.
O bildirib ki, F.Əhmədlinin həbsilə bağlı Avropa İnsan Hüquqları Məhkəməsinə şikayət göndərib.
Xatırladaq ki, F.Əhmədli və F.Əmirov 2016-cı ilin avqustunda türkiyəli din xadimi Fətullah Gülənlə əlaqələrdə ittiham olunaraq həbs ediliblər.
F.Əhmədli işlədiyi “Azərfon” şirkətində abonentlərin şəxsi məlumatlarını yaymaqda ittiham olunur.
F.Əmirov Gülənin Azərbaycandakı nümayəndəsi kimi dini ədavətin qızışdırılmasında ittiham olunur.-05В-
Cəmiyyət
-
Noyabrın 12-də Bakıda Birləşmiş Millətlər Təşkilatının (BMT) İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasında (COP29) liderlərin toplantısı başlayıb. "Euronews" telekanalı BMT-dəki mənbələrə istinadən bildirir ki, tədbirdə 100-ə yaxın dövlət başçısı iştirak edir.
-
Çərşənbə günü paytaxtda gecə və səhər yağış yağacağı gözlənilir. Şimal-şərq küləyi günün ikinci yarısında cənub-şərq küləyi ilə əvəz olunacaq.
-
Builki COP29 iqlim konfransının aktiv səhnələri arasında özünü FINS Təşəbbüsü adlandıran bir qrup tərəfindən təşkil edilən balina ovu və dənizin dərinliklərindən faydalı qazıntıların hasilatına qarşı etiraz nümayəndələrin və müşahidəçilərin diqqətini cəlb edib. Lakin qrupun legitimliyi ilə bağlı suallar yaranır, çünki İnternetdə axtarış onun mövcudluğuna dair dağınıq qeydlərdən başqa çox az dəlil verir.
-
Son iki gündə Tik-tok-da bakılıların dənizkənarı bulvarda gördükləri balina haqqında "xəbər" yayılıb. Ən çox "müşahidə edənlər" video göstərərək heyvanın ölçüsünü şərh ediblər. Sonra digər "şahidlər" bunun balina yox, köpək balığı olduğunu bildiriblər. Daha sonra sualtı qayıq haqqında versiya ortaya çıxıb.
Rəy yaz