![Prezident Administrasiyasının qarşısında etiraz aksiyası](https://turan.az/resized/750/500/resize/media/2017/main/010600179655.jpg)
Prezident Administrasiyasının qarşısında etiraz aksiyası
Yanvarın 6-da bir qrup vətəndaş parlamentin, sonra isə Prezident Administrasiyasının qarşısında etiraz aksiyası keçirib.
Onlar özlərini bir-birinə zəncirləyərək problemlərinin həlli tələbilə şüarlar qaldırıblar. Ancaq onları saxlayaraq Prezident Administrasiyasına aparıblar. Bu barədə “Azadlıq” radiosu məlumat yayıb.
Həmçinin hadisələri işıqlandıran üç jurnalist saxlanılıb.
Etirazçılar sıravi vətəndaşlardır. Onlar ədalətsiz məhkəmə qərarlarından, qanunsuz həbslərdən, əmlaklarının zəbt edilməsindən və dövlət məmurları tərəfindən hüquqlarının pozulmasından şikayət edirlər.
Etirazçılardan biri Lətifə Zeynəddinova bildirib ki, 13 yaşlı qızını qaçırıblar və 2 ildir ki, zirzəmilərdə saxlayıb, ona qarşı əxlaqsız hərəkətlər ediblər.
L.Zeynəddinova bunda Abşeron Rayon Polis İdarəsini ittiham edir.
Digər şikayətçi Eldar İsmayılov deyib ki, keçmiş MTN-in xüsusi təyinatlıları 2 il əvvəl onu atası ilə birgə döyüblər. Hüquqlarının müdafiəsindən ötrü mübarizəyə başladıqlarında onların özlərinə cinayət işi açılıb.
Qeyd edək ki, bu şəxslər bundan əvvəl də ayrı-ayrı vaxtlarda Baş Prokurorluq, Daxili İşlər Nazirliyi, Nazirlər Kabineti, Ədliyyə Nazirliyi və başqa dövlət qurumlarının qarşısında aksiya keçirməyə cəhd göstəriblər. Bundan sonra dövlət başçısının administrasiyası önündə aksiya keçirməyi qərara alıblar.-03D-
-
- Cəmiyyət
- 6 Yanvar 2017 18:09
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz