Fuad Həsənovun həyatının xilası üçün yardıma ehtiyacı var

Sivil Toplum Platforması (STP) bütün cəmiyyəti hüquq müdafiəçisi Fuad Həsənovun  həyatına biganə qalmamağa, vətəndaşları, xeyriyyə birliklərini ona yardım göstərməyə çağırır.  Bu barədə STP-nin müraciətində deyilir. 

“Demokratiya Monitoru” təşkilatının rəhbəri Fuad Həsənovun bu günlərdə səhhəti qəflətən ağırlaşıb. O, dağınız skleroz diaqnozu ilə xəstəxanaya yerləşdirilib.

Müraciətdə deyilir ki, hüquq müdafiəçisinin durumu olduqca kritikdir.

“F.Həsənovun həkimlərinin bildirdiyinə görə, onun sağalması Azərbaycanda mümkün görünmür. Hüquq müdafiəçisinin müalicə üçün ən qısa zamanda ölkə xaricinə aparılmasına ehtiyac var. Təəssüf ki, ailəsinin, əzizlərinin, bir neçə fədakar insanın maddi imkanları bunu təmin etmək üçün yetərli deyil”, - müraciətdə qeyd olunur.

STP qeyd edir ki, hazırda F.Həsənovun xaricdə müalicəsinin yeganə mümkün çıxış yolu əlaqəli dövlət qurumlarının duruma müdaxiləsilə ola bilər.

Təşkilat Səhiyyə Nazirliyini, nazirliyin ölkə daxilində mümkün olmadıqda Azərbaycan vətəndaşlarının müalicəsinin ölkədən kənarda təmin edilməsi ilə bilavasitə məşğul olan xüsusi komissiyasını F.Həsənovun durumunu diqqətə almağa, hüquq müdafiəçisinin xaricdə müalicə edilməsini təmin etməyə çağırır. STP həmçinin beynəlxalq qurumları, xeyriyyə fondlarını huquq müdafiəçisinin həyatının xilas edilməsində səylər göstərməyə dəvət edir.

Sivil Toplum Platforması qeyd edir ki, hüquq müdafiəçisinə yardım məqsədilə onun həyat yoldaşının adına Azərbaycan Beynəlxalq Bankında hesab açılıb. Hesab bilgiləri aşağıda ifadə olunub:

AZ63IBAZ33801019449278105216 (AZN);

AZ84IBAZ33811018409278105216 (USD);

AZ64IBAZ33811019789278105216 (EURO);

STV bildirir ki, hesaba hüquq müdafiəçisinə yardım məqsədilə vəsaitlər də daxil olmaqdadır. Yardım kampaniyası fərdi və təşkilati qaydada davam edir. -03D-