Fuad Qəhrəmanlı
Bakı/22.07.17/Turan: Azərbaycan Xalq Cəbhəsi Partiyası sədrinin həbsdəki müavinlərindən Fuad Qəhrəmanlının və Nardaran işi üzrə məhkum edilən daha iki nəfərin "kars"a salındığı bildirilir.
Bu haqda onların yaxınları məlumat veriblər.
Fuad Qəhrəmanlı ilə bərabər Nardaran sakinləri Abbas Hüseynov və Əli Nuriyev də Kürdəxanıdakı 1 saylı Bakı istintaq təcridxanasında "kars"a salınıb.
Bundan əvvəl iyulun 20-də adıçəkilən şəxslərlərlə eyni iş üzrə mühakimə edilən Müsəlman Birlioyi Hərəkatının sədri Taleh Bağırzadənin təcridxanada karsa salındığı bildirilirdi.
Fuad Qəhrəmanlı, Abbas Hüseynov və Əli Nuriyev isə iyulun 20-dən karsa salınıb. Cəzanın müddəti barədə məlumat verilmir.
Yada salaq ki, iyulun 20-si Bakı Apellyasiya Məhkəməsində adıçəkilən şəxslərin işi üzrə məhkəmə prosesi keçirilib. Vəkillərdən sonra, təqsirləndirilən şəxslərin özləri də çıxış etmək istəyiblər. Ancaq onlardan çoxu bu istəklərini gerçəkləşdirə bilməyiblər.
Təqsirləndirilən şəxslərdən yalnız Aqil İsmayılov və Cahad Babakişizadə çıxış edərək, hökumətin ünvanına tənqidi fikirlər səsləndiriblər. Onların sözünü hakimin kəsməsi digər təqsirləndirilənlərin etirazına səbəb olub.
Hakim təqsirləndirilən şəxslərə çıxış üçün imkan yaratmayıb, çıxış üçün prokurora söz verib. Bu, təqsirləndirilən şəxsləri hiddətləndirib. Onlar Əmir Bayramovun sədrlik etdiyi kollegiyaya etiraz ediblər. Öz ayaqqabı və əllərindəki su qablarını hakimlərə atıblar.
--0--
Cəmiyyət
-
Lider mobil operator milli mətbuatın inkişafına töhfə verməyə davam edir “Azercell Telekom” MMC jurnalistikanın inkişafına, mətbuat nümayəndələrinin peşəkar bacarıqlarının artırılmasına yönəlmiş təşəbbüslərini davam edir. Lider mobil operator 6 dekabr rabitə və informasiya texnologiyaları işçilərinin peşə bayramında bu sahə üzrə yazan jurnalistlər üçün xüsusi təlim təşkil edəcək. Beynəlxalq təlim mərkəzi tərəfindən “Media texnologiyaları: yeniliklər və trendlər” mövzusunda həyata keçiriləcək təlim jurnalistlərə yeni media tendensiyaları və qabaqcıl texnologiyalar haqqında biliklərini dərinləşdirmək imkanı verəcək.
-
Azərbaycanın quru sərhədlərinin bağlı saxlanmasından Milli Məclisin noyabrın 25-də keçirilən iclasında da bəhs edilib. Nazirlər Kabinetinin qərarında bu hal artıq ötən ildən Ümumdünya Səhiyyə Təşkilatının başa çatdığını elan etdiyi koronovirus pandemiyası ilə izah olunsa da, Milli Məclisin İnsan hüquqları komitəsinin sədri Zahid Oruc başqa səbəb göstərib. "Sərhədlərin açılması Rusiya-Ukrayna müharibəsindən 100 minlərlə qeyri-azərbaycanlı qaçqınların ölkəmizə axını ilə nəticələnəcək. O cümlədən, İranda hərbi zərbələrdən canını və sərvətlərini qorumaq üçün 100 minlərlə insan Azərbaycana keçməyə hazırdır. Belə qaçqın dalğasının gətirdiyi humanitar, sosial, mədəni fərqlərin toqquşması siyasi sabitliyi təhdid edə bilər", - o vurğulayıb.
-
Çərşənbə axşamı Baş Prokurorluq xaricdəki gəlirlərini gizlədən kənd təsərrüfatı məhsulları ixracçıları barəsində açılan yeni cinayət işləri haqqında məlumat yayıb.
-
Noyabrın 27-də Bakının və Abşeron yarımadasının bəzi yerlərində arabir leysan xarakterli yağış yağacağı gözlənilir, bu barədə sinoptiklər məlumat yayıb. Yarımadanın ayrı-ayrı yerlərində intensivləşəcəyi, şimşək çaxacağı ehtimalı var. Mülayim şimal-qərb küləyi əsəcək. Havanın temperaturu gecə 7-9 dərəcə, gündüz 9-12 dərəcə isti olacaq. Nisbi rütubət 80-90 faiz təşkil edəcək.
Rəy yaz