AXCP gənc fəalı Ruslan Nəsirli konkret şəxslərin şikayəti əsasında saxlanılıb, bu barədə Turan-a DİN-in mətbuat xidməti rəhbərinin müavini Ehsan Zahidov bildirib. O, Nəsirlinin işində siyasi motivlər olduğunu təkzib edir.
“Nəsirli kiçik xuliqanlığa görə saxlanılıb və iş məhkəməyə göndərilib”, deyə Zahidov bildirib.
Qeyd edək ki, İnzibati Xətalar Məcəlləsinin 296-cı “kiçik xuliqanlıq” maddəsi 50-100 manat cərimə və ya 15 günədək həbs cəzası nəzərdə tutur. -06В-
2014 Avqust 04 (Bazar ertəsi) 11:53:21
Avqustun 2-də AXCP Gənclər Komitəsinin fəalı Ruslan Nəsirli polis tərəfindən saxlanılıb.
Vəkil Asif Yusifli Turan-a bildirib ki, Ruslan Nəsirli qanunazidd hər hansı hərəkət etməyib. O, Facebook-da Ermənistan-Azərbaycan cəbhəsində son qarşıdurma zamanı həlak olan hərbçilərin hüquqlarının müdafiəsi ilə bağlı "Ali Baş Komandan Xalqa cavab ver" eventi yaradandan sonra saxlanılıb. “Əvvəlcə onun Saatlı rayonunda yaşayan atası girov götürülərək Bakıya gətirilib və oğlunu təslim etməsi tələb edilib. Avqustun 2-də Ruslan özü polisə gedəcəyini bildirib. O zaman dostunun mağazasında olarkən məni vəkil kimi dəvət etdi. Mən mağazaya daxil olanda orada özlərini alıcı kimi təqdim edən iki mülki şəxs onu saxladı. Mən də onlarla birgə avtomobildə Bakı Baş Polis İdarəsinə gedərkən yolda məni avtomobildən düşürdülər. Sonra Bakı Baş Polis İdarəsi onu saxlamadığını bildirdi. Hazırda Ruslanın harada saxlandığı məlum deyil. Onun nədə günahlandırıldığı da bəlli deyil”, - vəkil bildirib.
Öz növbəsində Ruslan Nəsirlinin atası Şamil Nəsirli Turan-a polis tərəfindən saxlandığını təsdiq edib. “Məni Saatlı polisi saxladı və Bakıya göndərdi. Bakı Baş Polis İdarəsində məndən oğlumla danışmağımı istədilər. Ruslanla danışdım və onu saxladılar”, - o qeyd edib.
Polis Ruslan Nəsirlinin saxlanmasına hələ münasibət bildirməyib. -03B-
Cəmiyyət
-
Oktyabrın 10-da paytaxtda hava şəraitinin dəyişkən buludlu olacağı gözlənilir. Gecə və səhər Abşeron yarımadasının bəzi yerlərində yağış yağacağı ehtimal olunur. Şimal-qərb küləyi əsəcək.
-
İnnovasiya və sürət lideri “Bakcell” media nümayəndələri üçün “Media İnnovasiya Günü” adlı təlim təşkil edib. Tədbirə ölkənin aparıcı media qurumlarını təmsil edən 30-dan çox jurnalist qatılıb.
-
Yeni nəsil maliyyə həlli ilə nağdsız hesablaşmalar hər an, hər yerdə və hamı üçün əlçatandır! Azercell-in törəmə şirkəti “A-Solutions Elektron Pul Təşkilatı” MMC “akart”ın fəaliyyət spektrini genişləndirir. Yeni nəsil maliyyə həlli nağdsız hesablaşmalara çıxışı olmayan əhali üçün də bu xidməti hər an və hər yerdə əlçatan edir. Azercell-in qabaqcıl müştəri təcrübəsi və innovativ yanaşmasını özündə birləşdirən “akart” 18 yaşı tamam olmuş hər bir vətəndaşa tamamilə ödənişsiz təqdim edilir.
-
Yaşıllar Partiyasından Avropa Parlamentinin üzvü Lena Şilling hər altıncı aylıq maaşını, yəni ümumilikdə 10,000 avronu, yaşıl təşəbbüsləri və aktivistləri dəstəkləmək üçün ianə etməyi planlaşdırdığını elan edib. Təxminən 3,000 avro hazırkı hakim partiyanın üzvləri tərəfindən dəstəklənən Yaşıl Vətəndaşlar Təşəbbüsü Assosiasiyasına gedəcək, qalan 7,000 avro isə hər altı aydan bir aktivistlərin dəstəklənməsi üçün istifadə olunacaq, Lena Şillingin mətbuat katibi bazar ertəsi Austria Presse-Agentur (APA)-ya bildirib.
Rəy yaz