![Dəyanət Babayev. amerikaninsesi.org](https://turan.az/resized/750/500/resize/media/2018/main/022400007936.jpg)
Dəyanət Babayev. amerikaninsesi.org
Gənc fəalı təcridxanaya dəvət edib, cərimələdilər
Gənc fəal Dəyanət Babayev 51 manat cərimələnib. Onu polisin qanuni tələbinə əməl etməməkdə günahlandırıblar. Bu haqda Turan-a gənc fəalın özü bildirib.
D.Babayevin sözlərinə görə, bu gün, fevralın 24-də mühacirətdəki siyasi fəal Tural Sadıqlının atası və başqa fəallarla birgə Binəqədidəki müvəqqəti saxlama təcridxanasına gedib. Onların məqsədi T.Sadıqlının inzibati qaydada həbs edildiyi bildirilən qardaşından xəbər almaq olub.
"Təcridxanada məni içəri dəvət etdilər. Etiraz etmədim, məni bir otağa saldılar. Kobud rəftar olmadı, sadəcə, 25 dəqiqəyədək gözlətdilər", deyən gənc fəalın sözlərinə görə, daha sonra tanımadığı iki mülki geyimli şəxs onunla profilaktik məzmunda söhbət edib.
"Məndən müxtəlif məsələlər haqda soruşdular. İctimai-siyasi fəallarla, hüquq müdafiəçiləri ilə hansı əlaqələrimin oldugunu soruşurdular. Dövlətçilik əleyhinə çağırışların, təhqirin yolverilməz olduğunu bildirirdilər. Dedilər ki, "belələrinin axırı necə olur, görürsüz". Siyasi məhbuslar haqda danışdılar. Soruşurdular ki, hüquq müdafiəçilərinə pul necə, hardan gəlir və sair. Bildirdilər ki, indi tutudugum yol doğru yol deyil. Həbs edilən, azadlığa çıxan bəzi fəalları xatırlatdılar, onların xəbər saytlarının, imkanların olmasından bəhs etdilər", deyən gənc fəalla söhbət 40 dəqiqəyədək davam edib.
Dha sonra onu Binəqədi rayon Polis İdarəsinin 4-cü polis bölməsinə təhvil veriblər.
Bölmədə D.Babayevə məlum olub ki, onu inzibati qaydada məsuliyyətə cəlb ediblər.
"Bölmədə inzibati protokol təqdim etdilər. Guya, mən təcridxanaya özbaşına gəlmişəm, polisin qanuni tələbinə əməl etməmişəm, sakitliyi pozmuşam. İnzibati Xətalar Məcəlləsinin 510.1 maddəsi ilə (Polisin qanuni tələbinə əməl etməmək) 51 manat cərimə olunmuşam".
D.Babayev inzibati protokolun əsassız olduğunu, onunla razılaşmadığını bildirib.
Xatırlatma
D.Babayev əvvəllər Azərbaycan Xalq Cəbhəsi Partiyasının üzvü olub. O, 2013-cü ildə məhkum edilib. D.Babayev ondan əvvəl - 2011-12-ci illərdə müxalif qüvvələrin etiraz aksiyalarında bir neçə dəfə saxlanılıb və inzibati qaydada həbs edilib.
Avroipa Məhkəməsi ötən il onun inzibati qaydada həbs edilməsindən verilmiş şikayətlərinə baxıb və həmin həbslərin qanunsuz olması barədə qərar verib.
AİHM-in qərarına əsasən, Azərbaycan hökuməti D.Babayevin həbsinə görə, 10 min avrodan artıq cərimələnib.
-
- İqtisadiyyat Göstəriciləri
- 24 Fevral 2018 18:56
-
- Cəmiyyət
- 24 Fevral 2018 22:25
Cəmiyyət
-
Ədalət Naminə Həmrəylik Komitəsinin təşəbbüsü ilə təşkil edilən, Azərbaycanda insan hüquqları vəziyyətinə həsr olunmuş vətəndaş cəmiyyəti fəallarının onlayn görüşündə jurnalistlərin, siyasi fəalların və müharibəyə qarşı çıxanların həbsi ilə bağlı ciddi narahatlıqlar vurğulandı. Avqustun 30-da keçirilən bu toplantı Beynəlxalq İtkin Düşənlərin Anım Günü ilə üst-üstə düşdü və Qarabağ müharibələrindən sonra həm Azərbaycan, həm də Ermənistan cəmiyyətlərinin qarşılaşdığı davamlı çətinlikləri diqqətə çatdırdı.
-
Sentyabrın 1-də Bakıda və Abşeron yarımadasında hava yağıntısız olacaq. Şimal-qərb küləyi gündüz cənub-şərq küləyi ilə əvəz olunacaq. Havanın temperaturu gecə müsbət 21+26, gündüz müsbət 33+38 dərəcə olacaq, Milli Hidrometeorologiya Xidməti bildirib.
-
Ölkənin aparıcı mobil operatoru "Milli və müasir" rəqəmsal muzeyini təqdim edir Azercell milli dəyərlərimizi müasir texnologiyalar vasitəsilə yaşatmaq, onları geniş auditoriyaya tanıtmaq və gələcək nəsillərə çatdırmaq məqsədilə "Milli və müasir" rəqəmsal muzeyi layihəsini təqdim edir. Bu innovativ təşəbbüs sənət və texnologiyanı birləşdirərək şirkətin hər iki sahəyə olan dəstəyini bir daha vurğulayır.
-
Bakının Suraxanı rayonu ərazisində sənaye zonasında bir obyektdə yanğın başlayıb. Yanğının söndürülməsinə FHN-in Dövlət Yanğından Mühafizə Xidmətinin qüvvələri cəlb olunub.
Rəy yaz