Həbsdə olan NİDA fəalı İlkin Rüstəmzadəyə qarşı yeni ittiham irəli sürülə bilər, bu barədə Turan-a onun vəkili Fariz Namazlı bildirib.
Onun sözlərinə görə, dünən o, 317.1-ci (güc tətbiq etməklə hədələmə) maddə ilə açılmış cinayət işi üzrə şahid qismində dindirilib. Fəal hesab edir ki, yaxın günlərdə ona qarşı konkret ittihamlar irəli sürüləcək.
Söhbət ötən ilin noyabrında açılmış cinayət işindən gedir. Həmin vaxt fəalın saxlandığı kamerada axtarış aparılıb və itilənmiş qaşıq tapılıb. Faktla bağlı Ədliyyə Nazirliyinin istintaq idarəsi tərəfindən cinayət işi açılıb.
Həmin vaxt Rüstəmzadədən ifadə alıblar və istintaq hərəkətləri aparılmayıb. İndi, beş ay sonra iş yenidən qaldırılıb və aprelin 24-də Rüstəmzadə dindirilib. Fəal hesab edir ki, ona qarşı yeni ittihamlar irəli sürmək istəyirlər, deyə vəkil bildirib.
317.1-ci maddə ilə Rüstəmzadə 5 ilə qədər azadlıqdan məhrum edilə bilər.
* İlkin Rüstəmzadə ötən ilin mart ayında 7 NİDA üzvü ilə birlikdə həbs edilib. Onlar kütləvi iğtişaşlar təşkil etməkdə ittiham olunublar. Rüstəmzadə 8 il müddətinə azadlıqdan məhrum edilib. Amnesty İnternational onu və digər NİDA üzvlərini vicdan məhbusu kimi tanıyıb. -06-
Cəmiyyət
-
Azərbaycanın Milli Hidrometeorologiya Xidməti fevralın 7-də Bakıda və Abşeron yarımadasında dəyişkən yağıntılar və güclü şimal-qərb küləyinin üstünlük təşkil edəcəyini proqnozlaşdırır.
-
Azərbaycan Baş Prokurorluğu və Səhiyyə Nazirliyi birgə bəyanat yayaraq bildirib ki, ölkədə praktik tibb fəaliyyəti ilə məşğul olan plastik cərrahların peşə fəaliyyətinin qanuni əsaslarının yoxlanılmasına başlanılıb.
-
Azercell-in dəstəyi ilə fəaliyyət göstərən xidmətə ötən il ərzində 3500-dən çox müraciət daxil olub
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
Rəy yaz