Bakı/24.07.18/Turan: Gəncə Şəhər İcra Hakimiyyətinin başçısı Elmar Vəliyevə hücumda ittiham olunan Yunis Səfərovun doğmaları onunla görüşə bilməməkdən şikayətlənirlər.
"İndiyədək onunla əlaqə qura, lazımi əşyaları və ərzağı verə bilmirik. Müvafiq qurumlara - prokurorluq, DİN, Penitensiar Xidmətə müraciət etmişik, amma faydası olmayıb", - Səfərovlar ailəsinin nümayəndəsi bildirib.
Ailənin müqavilə bağladığı vəkil Y.Səfərova baş çəkə bilməyib.
Doğmaları Kürdəxanı təcridxanasına gedərək onun orada olub-olmadığını öyrənmək niyyətindədir.
Gəncə hadisələri ilə bağlı həbs olunan digər şəxslərin doğmalarına da saxlanılanlarla ünsiyyətə icazə verilmir, onların yeri açıqlanmır. Hadisələrlə bağlı 20-dən çox adam saxlanılıb. Saxlanma zamanı bir neçə nəfər öldürülüb.
Əslən Gəncədən olan RF vətəndaşı Yunis Səfərov iyulun 3-də Gəncə şəhər icra başçısı Elmar Vəliyev və onun cangüdəni Qasım Şahbazova odlu silahdan atəş açıb. Hüquq-mühafizə orqanları bu hücumu terror aktı kimi tövsif ediblər.
İyulun 10-da bir neçə yüz Gəncə meri Elmar Vəliyevin əleyhinə etiraz aksiyası keçirib. Mitinq dağıdılarkən iki polis zabiti öldürülüb. Bundan sonra hakimiyyət repressiyalara başlayıb, ölkənin müxtəlif şəhərlərində onlarla adam həbs edilib.06D--
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz