Bu gün Gəncə şəhər Nizami rayon məhkəməsinin qərarı ilə müxbir Ərşad İbrahimov barəsində həbs-qətimkan tədbiri seçilib. Bu barədə Turan-a müxbirin əmisi Kamran Həşimli xəbər verib.
Onun sözlərinə görə, Kəlbəcər rayon təhsil şöbəsinin keçmiş müdiri Məhəmməd Bağırovun qanunsuz hərəkətləri ilə bağlı araşdırma yazısı və video yayandan sonra müxbirə qarşı təzyiqlər başlayıb. Məhəmməd Bağırovun özü barədə də Baş Prokurorluğun Korrupsiya İdarəsində korrupsiya faktları ilə bağlı cinayət işi açılıb.
Video və yazı dərc edildikdən sonra Ərşad İbrahimovun guya təhsil şöbəsinin keçmiş müdirinin yaxınlarından 30 min manat tələb etməsi ilə bağlı iddia qaldırılıb. Nəhayətdə Gəncə şəhər Nizami rayonunun Polis İdarəsi müxbirin şahidlərə təzyiq etməsi ilə bağlı məhkəməyə məktub göndərib. Məhkəmə də bunu əsas gətirərək Ərşad İbrahimov barəsində həbs qətimkan tədbiri seçib. Hansı ki, məhkəmədə ilkin dindirmə zamanı həmin şahidlər Ərşad İbrahimov tərəfindən təzyiqə məruz qaladıqlarını bildirib”.
Müxbirin Ramiz adlı vəkili mətbuata məlumat verməyəcəyini bildirib. O, Turan-ın müxbiri ilə telefon söhbətində müdafiə etdiyi şəxsin Cinayət Məcəlləsinin hansı maddəsi ilə ittiham olunduğu barədə belə məlumat verməyib.
Ərşad İbrahimov Azadlıq qəzetinin bölgə müxbiri olub, moderator.az və avropa.info saytları ilə əməkdaşlıq edir. -03B-
Cəmiyyət
-
Yanvarın 15-də Azərbaycan Xalq Cəbhəsi Partiyasının (AXCP) Ordubad rayon və Lənkərna rayon şöbələrinin iki fəalı polis tərəfindən saxlanılıb.
-
Lider mobil operatorun elan etdiyi sosial layihə müsabiqəsində qalib gələn "Alternativ” Kommunikasiya və Tədqiqatlar İctimai Birliyi “FarmHer” proqramını həyata keçirir
-
AZAL təyyarəsinin qara qutuları Braziliyadan Qazaxıstana qaytarılıb və 25 dekabrda Aktau Hava Limanı yaxınlığında baş verən aviasiya qəzasının təhlili üçün araşdırma komissiyasına təqdim edilib. Bu barədə Qazaxıstanın Baş Prokurorluğu məlumat yayıb.
-
Yanvarın 15-də Məktəbəqədər və Ümumi Təhsil üzrə Dövlət Agentliyi bildirib ki, təhsilalanların tədris proosesi zamanı xüsusi hallar istisna olmaqla, telefon və digər ağıllı cihazlardan istifadəsi qadağan olunub.
Rəy yaz