Açiq mənbələrdən foto.
Bakı/26.07.21/Turan: İyulun 23-də yaşadığım ünvanda quraşdırılan smart tipli qaz sayğacının kartının balansına məbləğ yükləmək istədikdə kartın "Azəriqaz" İstehsalat Birliyi tərəfindən mənə xəbərdarlıq edilmədən blok edildiyinin şahidi oldum. Belə ki, eyni bloklama həmin gün Gəncə şəhəri üzrə smart tipli qaz sayğacları istifadə edən abonentlərə qarşı kütləvi şəkildə həyata keçirilib. Gəncə Qaz İstismar İdarəsinə müraciət edən çoxsaylı abonentlərə "Azəriqaz" İB tərəfindən "smart sayğacların vaxtı bitdiyi üçün avtomatik blok olunub, bizlik deyil, mexaniki sayğacla dəyişdirilməlidir" deyə əsassız və yalan açıqlama verilir.
Bu barədə Gəncə şəhər sakini Orxan İsmayılovun Gəncədə smart tipli qaz sayğaclarının mexaniki sayğaca dəyişdirilməsi ilə bağlı redaksiyamıza daxil olan şikayətində deyilir. Sakin bir qədər sonra qaz sayğacının blokdan çıxarıldığını bildirir. O hesab edir ki, məqsəd "Azəriqaz"ın köhnə texnologuyaya əsaslanan və mübahisə yaradan mexaniki sayğacları süni problemlər yaradaraq quraşdırmaq istəyidir.
“Bu yolla israf edilən büdcə vəsaiti ört-basır edilir, "Azəriqaz" ştatına qaz sayğacı nəzarətçilərindən ibarət ordu götürülür, hamısı büdcyə yük yaradan amillərdir. Sovet vaxtlarına geri dönərək, yenidən əhaliyə kütləvi debitor borclar yazmaq, süni borcları təqdim etmək, bütün bunlar mexaniki sayğacla mümkündür, amma smart sayğacla bunu etmək mümkün deyildi. Ona görə geriyə addım atıb büdcə pullarını israf edib mexaniki sayğacı quraşdırmaq istəyirlər,” şikayətçi qeyd edir.
“Smart tipli sayğaclara müdaxilə etməyin və öz qaranlıq əməllərinizə abonentləri qatmayın. Smart tipli sayğaclardan əlinizi çəkin! Geriyə, mexaniki sayğaca yox, smart sayğaca, irəliyə addımlamaq lazımdır!” Orxan İsmayılov bildirir.
Azəriqaz İstehsalat Birliyindən Turanın şikayətlə bağlı müraciətinin cavaında bildirblər ki, artıq abonentlə əlaqə saxlanılıb.
“Problem yaxın zamanda aradan qaldırılacaq,” cavabda deyilir. -03D-
Cəmiyyət
-
Bakıda keçirilən COP29 konfransı mübahisələr və tənqidlərin kölgəsində başa çatdı. Tanınmış tarixçi Cəmil Həsənli bu tədbiri Prezident İlham Əliyevin rəhbərliyi altında Azərbaycanın idarəçilik problemlərinin parlaq əks olunması kimi xarakterizə etdi. Administrasiyanın qatı tənqidçisi olan Həsənli, COP29-u bahalı bir tamaşa adlandıraraq sistemli çatışmazlıqları üzə çıxardığını və Azərbaycanın siyasi və iqtisadi strukturlarına beynəlxalq diqqəti artırdığını vurğuladı.
-
Avropa Parlamenti Prezidenti Roberta Metsola azərbaycanlı iqtisadçı və siyasi məhbus, professor Qubad İbadoğlunu 2024-cü il Saxarov Mükafatı təqdimetmə mərasimində iştirak etmək üçün Strasburqa dəvət edib. Dəvət məktubu COP29 iqlim konfransı zamanı Avropa Parlamenti üzvü Maykl Bloss tərəfindən çatdırılıb. Lakin İbadoğlu hazırda ev dustaqlığında olduğu və Azərbaycandan çıxmasına qadağa qoyulduğu üçün dəvəti qəbul edə bilmir.
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
Rəy yaz