Açiq mənbələrdən foto.
Bakı/26.07.21/Turan: Ötən gün Azərbaycan prezidenti İlham Əliyev Bakıda səfərdə olan Serbiya xarici işlər naziri Nikola Selakoviçin rəhbərlik etdiyi nümayəndə heyətini qəbul edib.
Azərbaycan prezidentinin saytında dərc olunmuş məlumatda deyilir ki, görüş zamanı "iki ölkə arasında strateji tərəfdaşlıq münasibətlərinin uğurla inkişaf etdiyi məmnunluqla qeyd olunub".
Tərəflər Azərbaycanla Serbiya arasında ticarət-iqtisadi əməkdaşlıq üzrə hökumətlərarası komissiyanın Bakıda keçiriləcək iclasının əhəmiyyətini vurğulayıblar.
Qeyd olunub ki, Azərbaycan və Serbiya bir-birinin ərazi bütövlüyünü qarşılıqlı şəkildə dəstəkləyir.
Prezident Əliyev qeyd edib ki, azad edilmiş ərazilərdə bərpa və yenidənqurma işlərində dost ölkələrin şirkətləri iştirak edirlər. Bu kontekstdə Serbiya şirkətlərinin də bu işlərdə iştirakının mümkünlüyü vurğulanıb.
Qeyd edək ki, bir il öncə Serbiyadan Ermənistana silah göndərilməsi ilə bağlı ikitərəfli münasibətlərdə qalmaqal yaranmışdı.
Rəsmi Belqrad silah tədarükündə əli olduğunu inkar etməyə çalışmışdı və açıqlama üçün Bakıya nümayəndə heyəti göndərmişdi. —06D
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz