“Gənclər bacarır!” Azercell-in dəstəyi ilə davam edir
Lider mobil operatorun əməkdaşları SOS Uşaq Kəndinin sakinləri ilə bilik və təcrübələrini bölüşüb
Həssas qrup gənclərin bilik və bacarıqlarını artırmaq məqsədilə təşkil olunan “Gənclər bacarır!” layihəsinin növbəti mərhələsinə 15-23 yaş aralığında 20 iştirakçı qoşulub. Proqramda Azercell-in İnsan Kapitalının İdarə Edilməsi departamentinin əməkdaşı Günay Quliyeva tərəfindən effektiv ünsiyyət, karyera planlaması, CV tərtibatı, müsahibəyə hazırlıq ilə bağlı təlim sessiyası keçirilib. Həmçinin layihənin “Youthlinks” platforması üçün müsahibəyə hazırlıq və özünü təqdimetmə bacarıqları haqqında maarifləndirici videolar da çəkilib.
“Gənclər bacarır!” layihəsi çərçivəsində “İdeyadan biznesə” mövzusunda təlim də baş tutub. Azercell-in Korporativ Ünsiyyət departamentinin əməkdaşı İradə Məmmədovanın apardığı təlimdə gənclər sahibkarlıq, biznes ideya, dünya bazarı kimi mövzularda geniş məlumatlar əldə ediblər.
“Youthlinks” haqqında məlumatla əlavədən tanış ola bilərsiniz:
YouthLinks Community (sos-youthlinks.com)
Qeyd edək ki, Azercell-in dəstəklədiyi “Gənclər bacarır!” layihəsi "SOS Uşaq Kəndləri”nin gənc sakinlərinin təhsili, peşəkar inkişafı və iş həyatına hazırlanması məqsədi daşıyır. Lider mobil operator xüsusi qayğıya ehtiyacı olan və həssas qrupa aid şəxslərin sağlamlıq və hüquqlarının qorunması, cəmiyyətə inteqrasiya olunması, keyfiyyətli təhsil ala bilməsi istiqamətində layihələrini davam etdirir. ®
Cəmiyyət
-
"Təhsil sahəsinin ən böyük problemi komplektləşdirilmiş məktəblərin sayının az olmasıdır". Yerli saytların məlumatına görə, bunu noyabrın 20-də Milli Məclisin Aqrar siyasəti, Ailə, qadın və uşaq məsələləri, Elm və təhsil komitələrinin birgə iclasında "...2025-ci il dövlət büdcəsi haqqında" qanun layihəsinin müzakirəsində elm və təhsil naziri Emin Əmrullayev deyib.
-
İnnovasiya və sürət lideri “Bakcell”in təşkilatçılığı ilə “Süni İntellektlə Dayanıqlılıq” mövzusunda panel müzakirəsi keçirilib. Tədbirə spiker qismində “Bakcell”in Marketinq direktoru Elxan Sadıqzadə, “PwC Azərbaycan”ın Məsləhət xidmətləri departamentinin rəhbəri Fərid Qattal və İnnovasiya və Rəqəmsal İnkişaf Agentliyinin İnnovasiyalar üzrə rəhbəri Evgeniya Bikmurzina qatılıblar. Müzakirələr “Bakcell”in Korporativ kommunikasiyalar və ictimaiyyətlə əlaqələr üzrə direktoru Aysel Süleymanovanın moderatorluğu ilə baş tutub.
-
Şənbə günü Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Gecə və səhər bəzi yerlərdə duman olacaq. Şimal-qərb küləyi gündüz mülayim cənub-şərq küləyi ilə əvəz olunacaq.
-
Mumbai-Münhen reysi üzrə uçuş həyata keçirən Lufthansa hava yolu şirkətinə məxsus təyyarə çərşənbə günü səhər saatlarında sərnişinlərdən birinin sağlamlıq vəziyyətinin qəfil pisləşməsi səbəbindən Heydər Əliyev Beynəlxalq Hava Limanında təcili eniş edib.
Rəy yaz