Çərşənbə axşamı Reportyorların Azadlıq və Təhlükəsizlik İnstitutunun (RATİ) media mərkəzində “Region gənclərinin media sahəsində, sosial şəbəkələrdə iş bacarıqlarının artırılması və bloqerlik fəaliyyətinin genişləndirilməsi” layihəsinin yekunlarına həsr olunmuş mətbuat konfransı keçirilib. Layihə Regional İnsan Hüquqları və Media Mərkəzi tərəfindən həyata keçirilib.
ABŞ səfirliyinin dəstəklədiyi layihə çərçivəsində Ağdam və Goranboy rayonlarında 40-dan çox gəncin iştirakı ilə ikigünlük treninqlər keçirilib.
Treninqlərin ilk günündə Qafqaz Media Tədqiqatları Mərkəzinin rəhbəri Anar Orucov bloqerlik fəaliyyəti, bloq yazmaq, sosial şəbəkələrdə iş bacarıqları, bloqlarda sosial, iqtisadi və hüquqi problemlərin işıqlandırılması üzrə məlumat verib.
İkinci gün İREX-Azərbaycan təşkilatının hüquqşünası Ələsgər Məmmədli gəncləri jurnalistikanın əsas şərtləri, ifadə azadlığının prinsipləri, mövzuların seçilməsi, xəbərlərin hazırlanması, məlumat əldə etmək hüquqları (sorğuların hazırlanması, informasiyanın verilməsindən imtina olunduğu halda məhkəməyə müraciət), həmçinin insan hüquqlarının qorunmasında mətbuatın imkanlarından istifadə edilməsi yolları ilə tanış edib.
Layihə çərçivəsində hər bir iştirakçı facebook və twitter-in fəal istifadəçisinə çevrilib. Bundan əlavə, 4 video və 18 yazı bloqu hazırlanıb.
Layihənin sonunda Bərdə rayonunda iştirakçılarla ümumi görüş keçirilib. Ən fəal bloqerlərə sertifikatlar verilib.—06D--
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz