Gilavar və xəzri əsəcək

Yaxın 3 gün ərzində Abşeron yarımadasında arabir güclənən gilavar və xəzri küləkləri tez-tez biri-birini əvəz edəcək.

Ekologiya və Təbii Sərvətlər Nazirliyinin Milli Hidrometeorologiya Departamentinin məlumatına görə, aprelin 8-də Bakıda və Abşeron yarımadasında hava əsasən yağmursuz keçəcək. Səhər bəzi yerlərdə zəif duman olacaq, lakin axşam ayrı-ayrı yerlərdə yağış yağacağı ehtimalı var. Əsasən gecə və səhər saatlarında güclənən cənub-qərb küləyi axşam arabir güclənən şimal-qərb küləyi ilə əvəz olunacaq. Gecə 4-7, gündüz 13-18, bəzi yerlərdə 21 dərəcə isti olacaq.   

Azərbaycanın rayonlarında aprelin 8-də gecə və səhər bəzi yerlərdə duman, çiskin olacaq,  günün ikinci yarısından qərb rayonlarından başlayaraq yağış yağacaq. Qərb küləyi əsəcək, arabir güclənəcək. Gecə 3-8, gündüz 15-20 dərəcə isti, dağlarda gecə 2 dərəcə şaxtadan 3 dərəcəyədək isti, gündüz 8-13 dərəcə isti olacaq. -03D-