Azərbaycan Müəllimlər İnstitutunun Gəncə filialının və Kəlbəcər rayon Təhsil şöbəsinin vəzifəli şəxsləri barədə istintaq davam edir. Bu haqda xəbəri Respublika prokurorluğu yayıb.
Hər iki qurumun rəhbərliyinin qanunsuz hərəkətləri barədə Təhsil Nazirliyindən daxil olan materiallar üzrə Korrupsiyaya qarşı Mübarizə Baş İdarəsi başlanmış cinayət işi üzrə istintaqı davam etdirir.
Kəlbəcər rayon təhsil şöbəsinin müdiri Məhəmməd Bağırov müxtəlif vaxtlarda 30-dan çox şəxsi saxta diplomlarla şöbənin tabeçiliyindəki ayrı-ayrı ümumtəhsil məktəblərə işə qəbul etməkdə şübhəli bilinir. M.Bağırov istintaqa Cinayət Məcəlləsinin 308.2-ci (vəzifə səlahiyyətlərindən sui-istifadə) maddəsilə təqsirləndirilən şəxs qismində cəlb edilib.
Hazırda cinayət işi üzrə rayon təhsil şöbəsinin vəzifəli şəxsləri tərəfindən törədilməsi ehtimal edilən digər cinayətlərin də aşkara çıxarılması yönündə zəruri istintaq-əməliyyat tədbirləri davam etdirilir. -05D-
Cəmiyyət
-
Son zamanlar Azərbaycanda plastik əməliyyatları həyata keçirən bəzi həkimlərin buna səlahiyyətlərinin olmaması ilə bağlı məsələlər geniş müzakirə olunur. Ayrı-ayrı məlumatlara görə, bu sahədə bir sıra həkimlərin heç müvafiq diplomu belə yoxdur. Həmin məlumatlarda iddia edilir ki, saxta həkim diplomları ilə fəaliyyət göstərən bəzi şəxslər müxtəlif klinikalarda çalışır.
-
Elon Mask, texnologiya milyarderi və X (əvvəlki adıyla Twitter) platformasının sahibi, dövlət rəsmilərinin mental hazırlığı ilə bağlı debatları yenidən gündəmə gətirərək vəzifə sahibləri üçün zəka testlərinin keçirilməsini təklif edib. Musk-ın bu təklifi, 81 yaşlı ABŞ konqresmeni Key Qrencerin küçədə azaraq sonradan demensiya xəstələri üçün nəzərdə tutulmuş qocalar evinə yerləşdirilməsindən sonra irəli sürülüb.
-
Dekabrın 22-də "Keşlə bazar"ında fəaliyyət göstərən satıcılar etiraz aksiyası keçiriblər. Onlar yanvarın 1-dən bazarın bağlanmasına etiraz ediblər.
-
Dekabrın 24-də paytaxtda yağıntı gözlənilmir. Səhər və axşam bəzi yerlərdə duman olacaq. Cənub-qərb küləyi əsəcək, axşam şimal-qərb küləyinə keçəcək.
Rəy yaz