Həbsdə olan jurnalist Xədicə İsmayılova UNESCO/ Guillermo Cano Ümumdünya Mətbuat Azadlığı Mükafatına layiq görülüb. Təqdimolunma 3 may - Beynəlxalq Mətbuat Azadlığı gününə həsr edilib.
Ötən gün mükafatın təqdim olunması mərasimində X.İsmayılovanın anası Elmira İsmayılova Helsinkidə Finlandiyanın keçmiş prezidenti Tarja Halonen və UNESCO-nun baş katibi İrina Bokova ilə görüşüb.
Mükafat kolumbiyalı jurnalist Gilyermo Cano Isazanın şərəfinə təsis edilib. Jurnalist 1986-cı il dekabrın 17-də Boqotada “El Espectador” qəzetinin ofisinin qarşısında qətlə yetirilib. Mükafatın məbləği 25 min dollardır.
Beynəlxalq Mətbuat günündə jurnalistlər, hüquq müdafiəçiləri #FreeKhadija şüarı altında aksiya keçirirlər.
Xədicə İsmayılova iqtisadi cinayətlərdə ittiham olunaraq 7 il yarım müddətə həbs cəzasına məhkum edilib. Lakin həbsin əsl səbəbi Azərbaycan hakimiyyətinin ali eşelonunda korrupsiyanın ifşa edilməsidir.
“Amnesty International” Xədicə İsmayılovanı “vicdan məhbusu” elan edib.-16В-
Cəmiyyət
-
Noyabrın 1-də paytaxtda hava tutqun olacaq, gecə və səhər bəzi yerlərdə çiskinli yağış yağacaq. Mülayim cənub-qərb küləyi əsəcək.
-
Qısa zamanda abunəçilərə altı innovativ məhsul təqdim edən “Bakcell”, reklam və marketinq dünyasının mühüm beynəlxalq müsabiqələrindən biri olan “Felis” tərəfindən “Ən Uğurlu Rebrendinq” mükafatına layiq görülüb.
-
Beynəlxalq Demokratik Yenilənmə Koalisiyası (ICDR) və Forum 2000 Fondu Azərbaycanda vətəndaş cəmiyyətinə qarşı artan təzyiqlərdən dərin narahatlıqlarını ifadə edərək birgə bəyanat yayıb. Qruplar, hökumətin vəkillər, jurnalistlər, aktivistlər və insan hüquqları müdafiəçilərinə qarşı geniş miqyaslı təzyiqləri gücləndirdiyini, ölkədə müxalif səslərin sistematik olaraq susdurulduğunu vurğulayıblar.
-
60 milyon auditoriyası ilə dünyanın 100 nüfuzlu şəbəkəsindən biri olan, təhsil və bacarıqların qiymətləndirilməsi sahəsində aparıcı beynəlxal təşkilat Times Higher Education (THE) xəbərlər buraxılışında “İqlim sammiti başlayan kimi azərbaycanlı alimin azad edilməsinə çağırışlar” başlığı ilə geniş yazı dərc edib. Hər il dünya Universitetlərinin reytinqini hazırlayan THE yazır ki, mədən yanacağı istehsalçısı dünya liderlərinin toplantısına ev sahibliyi edərkən müxaliflərə qarşı sərt tədbirlər görür. Hüquq müdafiə qrupları COP29 iqlim konfransına ev sahibliyi edən Azərbaycan hökumətini mədən yanacağı siyasətini tənqid etdikdən sonra saxlanılan alimin azad edilməsinə çağırır.
Rəy yaz