• flag_EN
    • flag_RU

Son yenilənmə

(11 saat əvvəl)
Gobustone tullantılardan səmərəli istifadəni dəstəkləyir
A- A A+
RU
Turan İnformasiya Agentliyi
Turan İnformasiya Agentliyi

Gobustone tullantılardan səmərəli istifadəni dəstəkləyir

 

Azərbaycan üçün yeni, ekoloji cəhətdən təmiz tikinti materialı olan gobustone məsaməli beton bloklarını istehsal edən  AAC şirkəti bu gün istifadəyə yayarsız kağızları “Azərbaycan Kağız və Karton İstehsalı Kombinatı” MMC-nin qəbul məntəqəsinə təqdim etdi. 
 
“Kağızların yığılması prosesinə biz bir dəfəlik kompaniya kimi baxmırıq. Ətraf mühitin qorunması  önəmli məsələ olduğu üçün biz istifadə olunmuş kağızları yığıb yenidən emala vermək qərarına gəldik. Bunun üçün ofisdə  “100 kg kağız =1 ağac” yazısı olan qutular qoyduq. Günün sonuna yığılmış istifadəyə yararsız təkrar emalı mümkün olan kağızları əməkdaşlarımız bu qutulara qoydular. Bu gün isə yığılmış kağızları bu sahədə ixtisaslaşmış Azərbaycan Kağız və Karton İstehsalı Kombinatına təqdim etdik”,- deyə Marketinq şöbəsinin meneceri Teymur Hacıyev bildirdi.
 
AAC şirkəti tullantıların ətraf mühitə ziyan vurmadan zərərsizləşdirmə işlərini yerinə yetirən bu istiqamətdə ixtisaslaşmış müəssisələrlə əməkdaşlığı  bundan sonra da davam etdirəcək.“Çünki bu tədbirlər tullantılardan səmərəli istifadəyə şərait yaradır və onların yandırılaraq ətraf mühitə mənfi təsir göstərməsinin qarşısını alır”, - T. Haciyev bildirib.
 
 “Azərbaycan Kağız və Karton İstehsalı Kombinatı” 2012-ci ildən fəaliyyətə başlamış və hal-hazırda gün ərzində 40 ton kağız-karton emal olunur. Emal olunan məhsulun keyfiyyətinə daim nəzarət edilməsi məqsədilə kombinatda laboratoriya fəaliyyət göstərir. 
 
Qeyd edək ki, texmini olaraq 1 ton tullantı kagizının yeniden istehsalı 10 agacin kəsilməsinin, 2000 kWh elektrik enerjisi sərfinin,  200kubmetr suyun sərf olunmasının qarşısını ala bilər.
 
Xatırladaq ki, Almaniyanın “Wehrhahn“ firmasının avadanlıqları ilə istehsal olunan gobustone məsaməli beton blokları digər hörgü materiallarından yüngüllüyü, zəlzələyə davamlığı, uzunömürlülüyü, yüksək istilik və səs izolyasiyası, ekoloji cəhətdən təmizliyi, həmçinin adi əl və ya elektrik alətlərindən istifadə edilən zaman çox asanlıqla emal olunması ilə fərqlənir və tikinti prosesini əhəmiyyətli dərəcədə tezləşdirir.
 
AAC müasir tikinti materialları zavodu Bakının Qaradağ rayonunun Səngəçal qəsəbəsində yerləşir. Zavodun illik istehsal gücü 180 min kubmetr məsaməli beton blokları və 30 min ton əhəng təşkil edir. "AAC" müasir tikinti materialları zavodu "SYNERGY GROUP"- a daxildir.
 

Rəy yaz

Cəmiyyət

Bizi sosial şəbəkələrdə izləyin

Xəbər lenti