Gömrükçülər qaçaqmalçılıq yolu ilə 2 milyon manatlıq dərmanın ölkəyə gətirilməsinin qarşısını alıblar
Bakı/17.09.19/Turan: Sentyabrın 16-da gömrük əməkdaşları Gürcüstandan Azərbaycana qaçaqmalçılıq yolu ilə dərman gətirilməsinin qarşısını alıblar. Gömrük Komitəsinin məlumatında bildirilir ki, yük Azərbaycan vətəndaşı Vüqar Qadirovun yük maşınında gətirilib. O, "Qırmızı Körpü" gömrük postundan ölkə ərazisinə daxil olub və postun yaxınlığındakı rentgen qurğusundan keçməyərək birbaşa Qazax rayonunun ikinci Şıxlı kəndinin ərazisində yerləşən yanacaqdoldurma məntəqəsinə gəlib. Eyni vaxtda onun qardaşı Xaqani Qadirov eyni markalı digər yük maşınında paytaxta gəlib və Gürcüstandan gələn şəxs kimi yoxlamadan keçmək istəyib. Lakin gömrükçülər bunun yalan olduğunu biliblər və birinci yük maşınında bəyan edilməmiş 2 mln. manatlıq dərman aşkar ediblər.
Gömrük Komitəsinin mətbuat xidmətinin məlumatına görə, qarşıdakı qanunsuz əməliyyat barədə gömrüyə məlumat verildiyindən yükün Bakıya gətirilməsinə imkan yaradılıb. Fakt üzrə araşdırma başlayıb. -02D-
Cəmiyyət
-
Bazar günü, mayın 19-da Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağmursuz keçəcəyi gözlənilir. Mülayim cənub-qərb küləyi əsəcək. Havanın temperaturunun gecə 10-13 dərəcə, gündüz 16-20 dərəcə isti olacağı ehtimal edilir, xəbəri Milli Hidrometeorologiya Xidməti yayıb.
-
Mayın 17-də gün ərzində Azərbaycanda kiber üsullarla ən az 22 halda bank kartlarından abunəçilərə məxsus pullar oğurlanıb.
-
Ölkənin lider telekommunikasiya şirkəti 10 tələbəyə şirkətdə yay təcrübə proqramında iştirak etmək hüququ verdi Azercell ADA Universitetinin Karyera Hazırlığı Həftəsində iştirak etdi. Həftə zamanı mobil operatorun təşkil etdiyi seminarlarda, yekun qiymətləndirmə və müsahibələrdə seçilmiş 10 tələbə Azercell-in yay təcrübə proqramına qatılmaq imkanı əldə etdi. Bu təcrübə tələbələrə praktiki bacarıqlar və telekommunikasiya sənayesi ilə tanışlıq qazandıracaq.
-
Fransa Azərbaycanı Yeni Kaledoniyanın daxili siyasətinə müdaxilədə ittiham edib. Bu ölkənin daxili işlər naziri Jerald Darmanen mayın 15-də "France 2" televiziyasına müsahibəsində Yeni Kaledoniya ilə bağlı suala cavab verərkən deyib ki, "Kaledoniyanın müstəqillik tərəfdarlarından bəzi liderləri Azərbaycanla sövdələşiblər, bu, danılmazdır".
Rəy yaz