Göyçay rayonunda AXCP Gənclər Komitəsinin üzvü Məhəmməd Mərzili 20 sutkalığa həbs olunub.
Gənc Bakı-Qazax trası boyunca gedərkən post-patrul polisinin əməkdaşları ona yaxınlaşaraq nə üçün bu yolla getdiyini soruşublar. O cavab verib ki, səki olmadığına görə yolun kənarı ilə gedir. Bundan sonra onu polisə aparıblar və protokol tərtib ediblər ki, guya gənc küçədə ədəbsiz sözlər işlədib, polisə tabe olmayıb. Rayon məhkəməsi onu 20 sutkalığa həbs edib.
AXCP-dən Turan-a bildirilib ki, M.Mərzəli ictimai-siyasi fəaliyyətinə görə həbs olunub.
Gəncin anası bildirib ki, son 3 gündə onu naməlum şəxslər izləyiblər. Ona xəbərdarlıq edilib ki, hər hansı fəallıq göstərməsin.
Qeyd edək ki, bundan əvvəl “Azadlıq” qəzetinin əməkdaşı Xalid Qarayev də 25 sutkalığa həbs olunub.—06В--
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz